İyulun 26-da prezident İlham Əliyev Londona gedib. O XXX Yay Olimpiya Oyunlarının açılışında iştirak edəcək.
100-dən çox dövlət və hökumət başçısı Böyük Britaniyanın paytaxtına gəlməkdədir. Onlar oyunların açılışı münasibətilə təntənəli tədbirdə iştirak edəcəklər.
Açılış mərasiminin ssenarisinə gəlincə, quruluşun müəllifi “Xarabalıqdan çıxmış milyonçu” filminin rejissoru Deni Boyldur.
“Möcüzələr adası” adlanan tamaşa 42 milyon dollara başa gəlib. Bu, Böyük Britaniyanın tarixi haqqında hekayədir. Təşkilatçılar miqyaslı xüsusi effekt vəd edirlər. Finalda Pol Makkartni çıxış edəcək.
Mərasim yeni, 80 min nəfərlik stadionda keçiriləcək. Oyunları Böyük Britaniya kraliçası II Yelizaveta açacaq.
Londondan birbaşa yayım Bakı vaxtı ilə gecə saat 1-də başlayacaq.
* Olimpiada ərəfəsində bir sıra qalmaqallar baş verib. Belə ki, İran oyunların loqotipinin dəyişdirilməsini tələb edib. Tehran bunu rasist və sionist kimi qiymətləndirib. Lakin bu iradlar qəbul olunmayıb. Amma İran öz komandasını Londona göndərib.
Argentina prezidenti Folklend adaları ilə bağlı Böyük Britaniya ilə çoxdankı mübahisəyə görə Olimpiadaya səfərdən nümayişkaranə şəkildə imtina edib.
Belarus prezidenti Olimpiadaya buraxılmayıb. Belə ki, şəxsən ona və onun ölkəsinə qarşı Avropa İttifaqının sanksiyası var.
İyulun 25-də KXDR-Kolumbiya futbol matçında səhvən Cənubi Koreyanın bayrağı qaldırılıb. Bundan sonra oyunların administrasiyası üzr istəyib.
Olimpiada ərəfəsində Qərb telekanallarında idmançıların qoxusunu neytrallaşdıran dezodorantın reklamı göstərilib. Dezodorantın effektivliyini Azərbaycanın güləş üzrə yığma komandası nümayiş. etdirib ki, bu da bəzi ölkələrin nümayəndələrinin narazılığına səbəb olub. -02D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz