Vaşinqton/24.01.18/Turan: ABŞ hökumətinin məlumatına görə, ötən il ABŞ-dan deportasiya edilən Azərbaycan vətəndaşlarının sayında artım qeydə alınıb. Bu barədə Turan-ın Vaşinqtondakı müxbiri məlumat verib.
2017-ci ildə 8 azərbaycanlı rəsmən deportasiya edilib (2016-cı ildə bir nəfər olub). Bu barədə ABŞ-ın miqrasiya statistikası və gömrük nəzarətinin (ICE) məlumatında göstərilir.
Ümumilikdə, ötən il ABŞ-dan deportasiya edilən xarici vətəndaşların sayı 226 119 nəfər təşkil edib ki, bu da 2016-cı ildə olduğundan 6% azdır.
Ötən il miqrasiya xidmətinin əməkdaşları ölkədən deportasiya etmək məqsədilə 143 470 həbs həyata keçirib ki, bu da 2016-cı ildə olduğundan 20% çoxdur.
Ötən ay Floridada federal prokurorlar vətəndaşlıq almaq üçün saxta nikahlarla bağlı bir neçə ittihamnamə irəli sürüblər. Onların arasında Azərbaycan vətəndaşları da olub.
Saxta nikahda ittiham edilən ABŞ vətəndaşlarından doqquz nəfəri həbs edilib. Onların ikisi Azərbaycandandır.
Müstəntiqlər bildirirlər ki, saxta nikaha daxil olmaq üçün amerikalılara 20000 dollara qədər pul veriblər.
Miqrasiya xidməti həbs edilən azərbaycanlıların adlarını açıqlayıb: Xaqan Müşfiq oğlu Nəbili (24 yaş) və Svetlana Vladimirovna Şahramanyan (28 yaş). -B25-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz