445 min mənzildə niyə hələ də su sayğacı yoxdur?
"Azərsu" ASC bildirib ki, yanvarın əvvəlinə qədər 897 min 350 ailənin mənzilində suölçən cihazlar quraşdırıb. Amma bu rəqəm mərkəzləşmiş su istifadəçilərinin ümumi sayının cəmi 66,9%-nə bərabərdir. Əhali qrupuna aid 1 mln. 342 min 248 abunəçinin 445 mini su pulunu köhnə qaydalarla ödəyir.
Yeni sayğacların quraşdırılması keçən ilki sürətlə davam edərsə, ən yaxşı halda, bütün vətəndaşların su sayğacları ilə təmin edilməsi 2021-ci ildə başa çata bilər. Hazırda Bakıda əhalinin 79%-i, Sumqayıtda 73%-i, Şirvan və Mingəçevirdə təxminən 40%-i, Gəncədə 26%-i su pulunu sayğac əsasında ödəyir.
Son vaxtlar mənzillərdə əvvəlcədən ödəniş olunan kartlarla işləyən sayğaclar quraşdırılır.
Həmçinin bildirilir ki, bu cihazlar Gəncədə cihazqayırma zavodunda istehsal olunur.
Maraqlıdır ki, sayğacla təmin olunmayan təkcə vətəndaşlar deyil. "Azərsu" ilə razılaşma əsasında "qeyri-əhali" kateqoriyasına aid olan 10 min 500 istifadəçi - yəni istehsalat, ticarət, xidmətlər sahəsində işləyənlər sayğacsız ödəniş edir, bu isə istehlakçıların 18%-ni təşkil edir.
Azad Sahibkarlar İctimai Birliyinin sədri Eyyub Hüseynov deyir ki, sayğacdan istifadə edən vətəndaşlar əvvəlkindən üç dəfə artıq ödəniş edir:
"Sayğac birmənalı olaraq istehlakçının xeyrinədir. Amma su təchizatı şirkəti ilə danışıqlarda iddia olunur ki, sayğaclarla təminetmə prosesinin sürətləndirilməsi üçün vəsait çatışmır".
Eyyub Hüseynov hesab edir ki, yeni sayğacların alınması və quraşdırılması üçün yeganə çıxış yolu əlavə vəsait ayrılmasıdır.
İstehlakçıların hüquqlarının müdafiəçisi əlavə edib ki, demək olar bütün yeni binalarda su sayğaclarını binanı tikən şirkətlər satır. Bir halda ki, qanunvericiliyə əsasən, sayğaclar pulsuz verilməlidir.
Bəs "Azərsu" nə deyir?
"Azərsu" ASC-nin mətbuat katibi Anar Cəbrayılov Azadlıq Radiosuna bildirib ki, son 6 ildə şəbəkəyə 400 mindən çox yeni abunəçi qoşulub. Sayğacların quraşdırılmasının niyə bu qədər yavaş getməsi haqqında suala cavabda Cəbrayılov deyib ki, sovet dövründən fərqli olaraq, kommunal xidmət işçiləri eyni başlanğıc mövqeyində deyildi.
"Təkcə keçən il 116 min sayğac quraşdırılıb. Sıradan çıxan sayğacların yenilənməsi də buraya aiddir. Smart sayğacların quraşdırılması həm bizim, həm də istehlakçıların maraqlarına cavab verir. Çünki istehlakçıların əksəriyyəti mənzillərini kirayə verir, su pulu isə bu mənzildə yaşayan ailə üzvlərinin sayına görə ödənilir", deyə Anar Cəbrayılov bildirib. O, həmçinin qeyd edib ki, bu il quraşdırılacaq sayğacların sayı bu məqsədlə ayrılan investisiyalardan asılı olacaq.
-
- Bazarların icmalı
- 9 Mart 2017 13:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz