Джахангир Гаджиев
ABB-nin keçmiş sədrinin bacısı yenidən prezidentə müraciət edib
Bakı/13.03.18/Turan: Azərbaycan Beynəlxalq Bankının keçmiş sədri Cahangir Hacıyevin bacısı Əminə Hacıyevə Ədliyyə Nazirliyinin məmurları tərəfindən ailələrinə qarşı davam edən ədalətsiz münasibətin qarşısını almaq xahişi ilə prezident İlham Əliyevə müraciət edib.
"Ötən ilin sentyabrından mənim qardaşımla görüşümə icazə verilmir. Bununla əlaqədar Ədliyyə Nazirliyinə yazdığım müraciətlərə cavab verilmir", deyə Hacıyeva yazır.
O qeyd edir ki, "Haşimito sindromu"ndan əziyyət çəkən qardaşının səhhəti pisləşib və xəstəliyinin kəskinləşməsinə baxmayaraq, o, müayinə və müalicə imkanından məhrum edilib.
"Ona qarşı irəli sürülən ittihamlar məhkəmədə öz təsdiqini tapmadı. O, dövlətin heç bir vəsaitini mənimsəməyib. Buna baxmayaraq mətbuatda sifarişli olaraq onun haqqında ittiham edici məqalələr dərc edilməkdədir", deyə o iddia edir.
Uzun müddətdir onun vəkilləri ilə görüşünə maneələr yaradılır, deyə Hacıyeva bildirir.
"Mənim ölkədən çıxışıma məhdudiyyət qoyulub. Halbuki mənim banklara heç bir kreditim olmayıb və eləcədə heç bir şirkətin üzvü,təsisçisi olmamışam.Bununla əlaqədar olaraq Prokurorluq və Daxili İşlər orqanlarına etdiyim müraciətlərə cavab belə verilmir.
Hətta mənimlə əlaqədar hər hansı notariat əməliyyatlarının aparılması,icra edilməsi mümkün deyil. İki ildir ki, anam vəfat edib, lakin vərəsəlik sənədlərini notariatda rəsmiləşdirə bilmirəm.Bununla əlaqədar Ədliyyə Nazirliyinə etdiyim müraciətlər də nəticəsiz qalmışdır", deyə Hacıyeva yazır.
Bununla əlaqədar o, prezidentdən Hacıyevlər ailəsinə qarşı "məmur ədalətsizliyinin" aradan qaldırılmasında köməklik göstərməyi xahiş edir. -0-
-
- Cəmiyyət
- 13 Mart 2018 13:25
Cəmiyyət
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
-
Qəmər adaları vətəndaşı Məhəmməd Əhməd və Azərbaycan vətəndaşı Pərviz Quliyev Azərbaycanda "Qırmızı kitab"a düşən şahinləri ovladıqlarına görə saxlanılıblar.
-
Oktyabrın 25-də Bakıda və Abşeronda hava dəyişkən olacaq. Gün ərzində Abşeronun bəzi yerlərində yağış yağa bilər. Şimal-qərb küləyi əsəcək.
-
Oktyabrın 21-22-si Bakıda yağış bir sıra problemlərlə yanaşı, insan faciəsinə də yol açdı. Sabunçu rayonu ərazisində subasmaya məruz qalmış tuneldə iki şəxs həyatını itirdi. Halbuki Bakıda seldən ölüm halları yaxın tarixdə baş verməmişdi.
Rəy yaz