Çərşənbə günü Ali Məhkəmənin İnzibati-İqtisad Kollegiyası Şirvan Apellyasiya Məhkəməsinin 2010-cu il Kür daşqınından zərər çəkmişlərin işi üzrə qərarından kassasiya şikayətinə baxıb.
Xaqani Məmmədovun sədrliyi ilə keçirilən iclasda iddiaçılar, onların nümayəndəsi və vəkillər, habelə cavabdeh qismində FHN, “Meliorasiya və su təsərrüfatı” SC-nin əməkdaşları iştirak ediblər.
Prosesdə iddiaçıların ictimai müdafiəçiləri – “Kür” vətəndaş cəmiyyəti qərargahının üzvləri də iştirak ediblər.
Sabirabad rayonu sakinləri Firudin Əsgərovun, Bayramxatun Hacıyevanın, Möhübbət Ağayevin və İmadəddin Kazımovun iddialarına baxılıb, xəbəri “Kür” vətəndaş cəmiyyəti qərargahı yayıb.
Ağayevin şikayəti təmin edilib və məhkəmə cavabdehlərin üzərinə ona daşqın nəticəsində dağılmış evini yenidən tikmək öhdəliyi qoyub.
Digər iddiaçıların şikayətləri təmin edilməyib.
Bir neçə gün əvvəl Ali Məhkəmə Saatlı rayonu sakini Banu İslamovanın bənzər iddiasını təmin edib.
Təmin edilməmiş iddialar üzrə Avropa İnsan Hüquqları Məhkəməsinə şikayət göndəriləcək.
Kür çayında daşqın nəticəsində mülkiyyət hüquqlarının pozulması ilə bağlı məhkəmələrə ümumilikdə 200 nəfər müraciət edib. İki iddiaçının ərizələri Avropa İnsan Hüquqları Məhkəməsinin icraatına qəbul edilib.
Dörd il əvvəl baş vermiş dağıdıcı daşqının nəticələrinin ləğvi üçün dövlət büdcəsindən 460 mln. manat ayrılıb. “Kür” qərargahının araşdırmalarına və monitorinqlərinə əsasən, bu vəsaitin böyük hissəsi təyinatı üzrə xərclənməyib. -06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz