Almaniyanın Azərbaycandakı səfiri Haydrun Tempel çərşənbə günü Alman Dilinin Tədris Mərkəzinin beşillik yubileyi münasibətilə brifinq keçirib.
Mərkəz Bakıda 2009-cu ilin fevralından fəaliyyət göstərir və hər il orada təhsil alanların sayı artır. Hazırda 1000-dən çox adam orada alman dilini öyrənir.
Xanım Tempel ümidvar olduğunu bildirib ki, Mərkəzin 10 illiyi daha böyük və yaxşı binada qeyd olunacaq. O deyib ki, Mərkəzin sertifikatları Almaniyada və başqa ölkələrdə tanınır, həmçinin Almaniyada yaşamaq və oxumaq hüququ verir.
Mərkəzdə təhsil alanların sayının artmasına toxunan səfir bunu “müəllimlərin yüksək peşəkarlığından xəbər verən sevindirici məqam” adlandırıb.
Mərkəzin rəhbəri Zöhrə Əliyeva deyib ki, qurum Höte adına Almaniya Mədəniyyət İnstitutunun tərəfdaşıdır.
2010-cu ildən Mərkəzdə Höte İnstitutunun sertifikat imtahanları keçirilir. Bundan əlavə, Mərkəz TestDAF Mərkəzinin lisenziyasına malikdir. -04С-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz