Oktyabrın 21-də Bakıda Park Inn otelində “Education USA Azerbaijan” təhsil sərgisi açılıb. Sərgidə ABŞ-ın 16 ən iri universitet və kollec nümayəndələri iştirak edirlər. Sərgiyə gələn çoxsaylı insanlar həmin universitet və kolleclərin nümayəndələri ilə görüşüb, ABŞ-da təhsil almaq üçün məsləhətlər alıblar.
ABŞ-ın Azərbaycandakı səfiri Robert Sekuta bildirib ki, müstəqillik dövründə ABŞ-da müxtəlif proqramlar üzrə 6 mindən çox azərbaycanlı təhsil alıb. Hazırda isə ABŞ-da 408 azərbaycanlı təhsil alır.
“ABŞ təhsil sahəsində dünya lideridir. ABŞ universitetləri ardıcıl olaraq dünyanın ən yaxşı universitetləri sırasındadır. Burada elmin müxtəlif sahələri - humanitar, mühəndislik, incəsənət, biznes, karbohidrogen, neft-qaz, texniki var. Mən azərbaycanlı tələbələri bu geniş çoxçeşidli inkanlardan yararlanmağa çağırıram”, - o qeyd edib.
ABŞ-ın Bakıdakı səfirliyinin mədəniyyət işləri üzrə müşaviri Ami Peterson Turan-a müsahibəsində bildirib ki, ABŞ-da təhsil alan 408 tələbənin 20-i bu sərgilər vasitəsilə təhsil üçün müraciət edib. “Biz vətəndaşlara müraciət edirik ki, gəlib sərgi vasitəsilə pulsuz məsləhət və məlumatlar alsınlar. Amerikada təhsi almaq çətindir, amma mümkündür”, - o qeyd edib.
Onun sözlərinə görə, ABŞ səfirliyində təhsil üzrə təqaüd proqrmaları da var. “ABŞ səfriliyində təqaüd proqramları var. Ancaq ən çox təqaüdül universitetlərin özləri verirlər. Bu təqaüdləri sərgilərdə və universitetlərin saytlarında tapmaq olar”.
Ami Petersonun sözlərinə görə, Amerikada təhsil alan Azərbaycan vətəndaşlarının sayı ilbəil artır. -03D-
Cəmiyyət
-
Daxili İşlər Nazirliyinin Kibercinayətkarlıqla Mübarizə Baş İdarəsi sosial şəbəkələrin Azərbaycan seqmentində onlayn qumar oyunları təşkil edən dəstənin üzvlərinə qarşı genişmiqyaslı əməliyyat keçirib.
-
Sentyabrın 21-də Bakıda və Abşeron yarımadasında tutqun hava şəraiti üstünlük təşkil edəcək. Gecə və səhər bəzi yerlərdə arabir yağış yağacağı, gündüz dəyişkən buludlu olacağı, əsasən yağıntının olmayacağı gözlənilir. Şimal-qərb küləyi gündüz şimal-şərq küləyilə əvəz olunacaq. Havanın temperaturu gecə müsbət 14+18, gündüz müsbət 22+25 dərəcə olacaq, Milli Hidrometeorologiya Xidməti bildirib.
-
Bu gün "Əsrin müqaviləsi"nin imzalanmasından 30 il ötür. Müqavilənin imzalandığı tarix həm də Azərbaycanda neft-qaz sənayesi işçilərinin peşə bayramı – "Neftçilər Günü" kimi qeyd olunur.
-
Sentyabrın 10-da gecə saatlarında Dövlət Sərhəd Xidmətinin Sahil Mühafizəsi tərəfindən Xəzər dənizinin cənub hissəsində İran istiqamətində hərəkət edən naməlum üzmə vasitəsi aşkar olunub. Sərhəd gəmisi dərhal həmin istiqаmətə göndərilib, sahil xəttinin qapadılması üzrə təxirəsalınmaz tədbirlər görülüb və təqibetmə əməliyyatına başlanılıb.
Rəy yaz