Maduro investisiya üçün gəlib (YENİLƏNİB)

Venesuela prezidenti Nikolas Maduronun Azərbaycanın baş naziri Artur Rəsizadə ilə görüşündə Venesuelanın investisiya imkanları müzakirə edilib.

Ötən gün Bakıya rəsmi səfərə gələn Maduro ilk növbədə Rəsizadəyə öz ölkəsinin energetika sahəsindəki imkanlarından danışıb.

Ölkələr arasında turizm, mədəniyyət və kənd təsərrüfatı sahələrində iqtisadi əlaqələrin genişləndirilməsinə dair fikir mübadiləsi aparılıb. Maduronun sözlərinə görə, Venesuela Azərbaycanla bütün istiqamətlərdə əməkdaşlıqda maraqlıdır. Belə ki, hər iki ölkə neft istehsalçısı hesab olunur.

Qeyd edək ki, Maduro neft istehsalçısı olan ölkələrə regional səfərə çıxıb.

Neftin qiyməti kəskin endikdən sonra Venesuelanın iqtisadiyyatı çökmək üzrədir, siyasi vəziyyət is sabitlikdən uzaqdır.  Hakimiyyətin əsas vəzifəsi iqtisadiyyatı xilas emək üçün yollar tapmaqdır. Bu mənada bu ölkəyə investisiya qoyuluşu olduqca risklidir və çətin ki özünü doğruldar.-02D-

2016 Oktyab 21 (Cümə) 21:22:42

Venesuela Bolivar Respublikasının Prezidenti Nikolas Maduro oktyabrın 21-də Azərbaycan Respublikasına rəsmi səfərə gəlib.

Venesuela Prezidenti Nikolas Maduronu hava limanında Azərbaycanın Baş nazirinin birinci müavini Yaqub Eyyubov və digər rəsmi şəxslər qarşıladılar.  (AZƏRTAC)

Dörd günlük turneni cərçivəsində o Azərbaycanla yanaşı, Səudiyyə Ərəbistanı, İran və Qətərdə də olacaq.  Maduro neft ixracını azaltmaqla bağlı danışıqlar aparacaq.-0-