Ekspertlər dolların bahalanmasına reaksiya verib.
Turan-ın məlumatına görə, iqtisadçı Samir Əliyev «Facebook» səhifəsində yazıb ki, ilin sonu üçün manatı ciddi sınaq gözləyir.
«İnanıram ki, manat minimum itki ilə çıxacaq», deyə o yazıb.
Ekspert dolların məzənnəsinin 1,80 manat səviyyəsində olacağını düşünür.
Digər iqtisadçı Natiq Cəfərli hesab edir ki, dolların məzənnəsi 1,90-1,95 manata qalxacaq.
«Demə, növbədənkənar prezident seçkiləri olmayacaq. Bundan sonra dollar bahalanmağa başladı. Bu günlərdə neft 52-53 dollara bahalandı. Aydın olur ki, manatın məzənnəsi iqtisadi məntiqlə bağlı deyil. Əgər manatın məhkəmlənməsi üçün siyasi amil (növbədənkənar prezident seçkiləri - red) aradan qalxıb, dolların məzənnəsi 1,90-1,95 manata qalxacaq», deyə Cəfərli hesab edir.
Artıq üçüncü gündür, dolların məzənnəsi artır. 18 oktyabrda dollar 1,5969 manat, 21 oktyabrda 1,6091 manat olub.
Paralel olaraq 3 bank - «Respublika», «VTB», «Naxçıvan» dollar satışını dayandırıb.
Əvvəllər ekspertlər hesab edirdi ki, noyabr-dekabrda xarici öhdəliklərin yerinə yetirilməsi ilə bağlı dollar bahalanacaq.
Xatırladaq ki, 2 devalvasiyadan sonra dolların ən yüksək məzənnəsi 11 mart 2016-cı ildə – 1,6456 manat, ən aşağı 26 mayda – 1,49 manat olub.
26 may - 9 sentyabr arası dollar bahalanaraq 1,6403 manata çatıb.
ARDNF və AMB-nin iri intervensiyalarından sonra manat möhkəmlənib və oktyabrda dollar 1,5969 manat olub. 71D
İqtisadiyyat
-
Kiçik və Orta Sahibkarlıq Agentliyi (KOBİA) və İqtisadiyyat və Ekologiya və Təbii Sərvətlər Nazirliklərinin birgə təşkilatçılığı ilə bu gün Bakı şəhərində kiçik və orta sahibkarlıq (KOS) sektoru üçün yaşıl iqtisadiyyatda rolu müzakirə edən bir konfrans keçirilmişdir.
-
Sentyabrın qızılı günəşi altında, 2024-cü il sentyabrın 7-8-də Şamaxının Meisari kəndində Üçüncü Üzüm və Şərab Festivalı keçirildi. Bu tədbir şərab həvəskarları və turistləri Azərbaycanın qədim şərabçılıq ənənələrini qeyd etmək üçün bir araya gətirdi. Dövlət Turizm Agentliyinin təşkil etdiyi festival, ölkənin üzümçülük sahəsini dirçəltmək, yerli istehsalı artırmaq və ixrac imkanlarını genişləndirmək istiqamətindəki səylərini ön plana çıxardı.
-
Azərbaycan “Eurovision” üçün Crystal Hall, Bakı Olimpiya Stadionu və “Şahdağ” xizək kurortu daxil olmaqla, miqyaslı infrastruktur layihələrinə 1,6 milyard dollardan çox vəsait xərcləyib. Lakin London Biznes Məktəbinin məzunu və Sage Solutions şirkətinin direktoru Fikrət Məmmədovun sözlərinə görə, bu xərclər ölkə iqtisadiyyatına uzunmüddətli fayda gətirməyib.
-
İqtisadçı Qubad İbadoğlunun məqaləsində qeyd olunur ki, 2020-ci ildə 44 günlük İkinci Qarabağ müharibəsinin nəticələri Azərbaycan iqtisadiyyatına birbaşa xarici investisiyaların (BXİ) reytinqini əhəmiyyətli dərəcədə dəyişib. Son məlumatlar Rusiya, Türkiyə və Çindən xüsusilə işğaldan azad edilmiş ərazilərə yönəlmiş investisiyaların nəzərəçarpacaq dərəcədə artdığını göstərir. Bununla belə, inhisarçılıq, məhkəmə müstəqilliyinin olmaması və hökumətin dövlətlərin “dost” və ya “qeyri-dost” kimi təsnifatı kimi maneələr marağı azaltdığından Qərb investisiyaları məhdud olaraq qalır.
Rəy yaz