![Arif Hacılı: Müsavat seçkidə iştirak qərarına yenidən baxacaq](https://turan.az/resized/media/2015/main/100600131955-750-500-resize.webp)
Arif Hacılı: Müsavat seçkidə iştirak qərarına yenidən baxacaq
“Müsavat Pariyası 70-dən artıq seçki dairəsindən deputatlığa namizədlərini irəli sürüb. İndiyədək cəmi 12 deputatlığa namizədimiz qeydə alınıb, 12 nəfər nüfuzlu müsavatçının deputatlığa namizədliyinin qeydə alınmasından imtina edilib. İndiyədək bir nəfər belə müxalifətçi qadının deputatlığa namizədliyi qeydə alınmayıb. Digər seçki dairələri üzrə isə namizədliyini irəli sürdüyümüz üzvlərimiz barədə hansı qərar qəbul ediləcəyini gözləyirik”. Bu barədə Müsavat Partiyasının başqanı Arif Hacılı oktyabrın 6-da Müsavat Partiyasının mərkəzi qərargahında keçirdiyi mətbuat konfransında bildirib.
Onun fikrincə, imzatoplama kampaniyası dövründə Müsavat Partiyasının fəalları, tərəfdarları təzyiqlərlə üzləşib.
“İlk dəfə olaraq imzatoplama kampaniyası zamanı imza toplayanlarla yanaşı, müsavatçılara imza verənlər də təzyiqlərlə üzləşib. Belə bir vəziyyət Belarusda da olmayıb. Kampaniya zamanı fəallarımız həbs edilib, oğurlanıb. İmza toplayanlar və imza verən seçicilər təzyiq və təqiblərə məruz qalıb. İmza verən şəxslərə imzalarından imtina etmələri üçün təzyiqlər edilib”, deyə o qeyd edib.
Hacılı seçkiqabağı mühitin, mövcud qanunvericiliyin demokratik seçki keçirməyə imkan vermədiyini bildirib. “Ölkədə sanki seçki yoxdur. 8 televiziya kanalının heç biri seçki ilə bağlı verilişlər təşkil etmir. Hətta iqtidar partiyasının xeyrinə də verilişlər yoxdur. Seçki komissiyalarının hamısı iqtidarın nəzarəti altındadır, müstəqil media yoxdur, toplaşmaq azadlığı təmin edilmir”.
Müsavat Partiyası belə bir şəraitdə seçkilərdə iştirak edir.
“Müsavat Partiyasının seçkilərdə iştirakı müxalifətin mövcudluğunu və müqavimət göstərdiyini sübut edir.
“Seçkiləri boykot etmək çox asandır. Seçkidə iştirakın çətinliyi bunu deməyə əsas verir. Biz imzatoplama kampaniyası zamanı 300 mindən çox seçici ilə görüşmüşük”.
Arif Hacılı, bununla yanaşı, seçkidə iştirakla bağlı qərarına yenidən baxacağını da diqqətə çatdırıb. “Qərarımıza oktyabrın 10-da Divanın toplantısında baxacağıq və bundan sonra seçkidə iştirak edib-etməyəcəyimiz müəyyən olacaq”.
O, həmçinin seçkidə iştirakla bağlı NİDA və REAL hərəkatları ilə birgə müzakirə aparacaqlarını deyib.
Hacılı hökumətin ATƏT-in Demokratik Təsisatlar və İnsan Haqları Bürosunun 380 müşahidəçisini qəbul etməməsini kəskin tənqid edib.
“Seçkilərdə əsas müşahidə missiyası ATƏT-indir. Biz hökuməti ATƏT-in müşahidə missiyasını ölkəyə buraxmağa çağırırıq. Azərbaycan hökuməti Avropa Oyunlarında minlərlə insanı, taksi pulu da daxil olmaqla, bütün xərclərini ödəməklə ölkəyə buraxdı, amma bütün xərclərini ödəyən ATƏT-in 380 müşahidəçisini ölkəyə buraxmağa hazır olmadığını bildirir”.
Müsavat Partiyası qurumun son qurultayından keçən dövr ərzində görülən işlər barədə də məlumat verib. Artıq partiyanın bütün qurumları demokratik seçki yolu ilə tam formalaşıb.
“Müsavat Partiyasının sonuncu qurultayı Azərbaycanın siyasi həyatı üçün nümunədir. Müsavat başqanı Azərbaycan siyasi həyatında ilk dəfə olaraq iki dəfə seçildikdən sonra namizədliyini irəli sürmədi. Demokratik və gizli seçki yolu ilə partiyanın yeni başqanı seçildi. Bundan sonra da belə olacaq, partiya demokratik ənənələri davam etdirəcək. Amma bəzi fikir ayrılıqları da oldu. Bu da normal haldır. Müsavatı parçalamaq cəhdləri süquta uğradı. 14 partiya üzvünü nizamnaməni pozduğuna görə partiya sıralarından uzaqlaşdırdıq. 100-dək müsavtaçı bu və ya digər səbəblərdən partiyadan uzaqlaşdı. Ancaq qurultaydan keçən dövrdə yüzlərlə yeni insanlar partiyaya üzv olub”, deyə o qeyd edib.
O, Müsavat Partiyasının beynəlxalq əlaqələrinin də uğurla davam etdirildiyini bildirib. -03C-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz