Tələbə Aydan Rüstəmxanlı Beynəlxalq Mətbuat Mərkəzində (BMM) “Milli-mənəvi dəyərlərin qorunması” layihəsinin təqdimatını keçirib.
Layihə haqda danışan A.Rüstəmxanlı deyib ki, layihəyə start verməsi atası, deputat, xalq şairi Sabir Rüstəmxanlı ilə bir söhbətilə bağlıdır. Belə ki, S.Rüstəmxanlı bir çox şeirlərinin və sözlərinə bəstələnən mahnıların sıradan çıxdığını deyib. Bunu aradan qladırmaq üçün onların bir yerə toplanmasının vacibliyini bildirib. Beləliklə, A.Rüstəmxanlı bu silsilədən atası ilə bağlı olan ilk layihəsinin reallaşdırılmasına toxunub. S.Rüstəmxanlının şeirləri, sözlərinə bəstələnən mahnılardan disk hazırlanıb.
A.Rüstəmxanlı gələcək layihələrində Xəlil Rza Ulutürk, Məmməd Araz, Bəxtiyar Vahabzadə yaradıcılığını özündə əks etdirən disklər hazırlanacağını nəzərə çatdırıb.
Daha sonra S.Rüstəmxanlının mayın 20-də ad günü olduğu deyilib. Bu münasibətlə tədbirə dəvətli olan sənət adamları şairin şeirlərini söyləyiblər. Bu şeirlərə aid musqili kompozisiyalar səsləndiriblər.
Çıxış edən natiqlər S.Rüstəmxanlını vətəndaş şair, “Bütöv Azərbaycan dərdi daşıyan vətəndaş” kimi dəyərləndiriblər. Yaradıcılığında “bütöv vətən” xəttinə geniş yer verməsi S.Rüstəmxanlının təkcə mövqeyi yox, həm də taleyi olması kimi vurğulanıb. Bu mənada S.Rüstəmxanlı çağdaş türk dünyasının problemlərini dünyaya çatdıran insan kimi xarakterizə olunub.
Daha sonra S.Rüstəmxanlı tədbirin təşkilatçılarına minnətdarlıq edib. Bütöv Azərbaycan və türk dünyasının problemlərinin hələ də həllini gözlədiyini nəzərə çatdırıb. O, Qarabağ məsələsinin həll olunmamasını, İraq türkmənlərinin terorra məruz qalmasını, Krım tatarlarının mövcud durumunu türk dünyasının problemləri sırasında qeyd edib.
Eyni zamanda, S.Rüstəmxanlı sənət adamlarının xatirələrinin əbədləşdirilməsinə kifayər qədər diqqət yetirilmədiyini vurğulayıb. Onun firkrincə, vətəndaşlıq mövqeyini, vətənpərvərliyi gücləndirən sənət əsərlərinə hələ də ehtiyac var.
Sonda S.Rüstəmxanlının ad günü ilə bağlı tortkəsmə mərasimi olub. -05C-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz