Prezident İlham Əliyevin Vyetnamda rəsmi görüşləri

Bazar ertəsi prezident İlham Əliyevin Vyetnama rəsmi səfərinin birinci günü olub. Rəsmi qarşılanma mərasimindən sonra Vyetnam prezidenti Vyetnam Çıonq Tan Şanq ilə təkbətək, sonra geniş tərkibdə görüş keçirilib.

Görüş zamanı qeyd olunub ki, ölkələrimiz arasında siyasi, iqtisadi və digər sahələrdə əlaqələr uğurla inkişaf edir. Münasibətlərin möhkəmləndirilməsi baxımından prezident İ.Əliyevin  Vyetnama səfərini əhəmiyyəti vurğulanıb, əlaqələrin gələcək inkişafı üçün yaxşı potensialın olduğu qeyd edilib.

Görüş zamanı ikitərəfli, beynəlxalq və qarşılıqlı maraq doğuran digər məsələlərə dair fikir mübadiləsi aparılıb. Məlumatı Azərbaycan prezidentinin mətbuat xidməti yayıb.

Danışıqlardan sonra Azərbaycanla Vyetnam arasında sənədlərin imzalanması mərasimi olub.

“Azərbaycan və Vyetnam hökumətləri arasında ticari-iqtisadi və elmi-texniki əməkdaşlıq haqqında saziş” iki ölkənin xarici işlər nazirləri Elmar Məmmədyarov və Fam Bin Min imzalayıblar.

“Azərbaycan və Vyetnam hökumətləri arasında ikiqat vergidən yayınma və gəlirlərə və əmlaka görə vergilərə münasibətdə ikiqat vergitutmanın aradan qaldırılması haqqında konvensiya”nı Azərbaycanın vergilər naziri Fazil Məmmədov və Vyetnamın maliyyə naziri Din Tien Dunq imzalayıblar.—0--