![Şanxayda Asiyada inam tədbirləri üzrə sammit açılır](https://turan.az/resized/media/2014/main/051900079068-750-500-resize.webp)
Şanxayda Asiyada inam tədbirləri üzrə sammit açılır
Mayın 20-də Şanxayda Asiyada qarşılıqlı anlaşma və inam tədbirləri üzrə müşavirənin (AQAİTM) 4-cü sammiti açılır. Sammitdə 11 dövlət başçısı, 1 hökumət başçısı və 10 beynəlxalq təşkilat rəhbərinin iştirakı gözlənilir. Bu barədə Sinxua məlumat verib.
Prezident İlham Əliyev Vyetnama birgünlük səfəri başa çatdıqdan sonra sammitdə iştirak etmək üçün Şanxaya işgüzar səfərə gedib.
11 dövlət başçısının arasında Azərbaycan, Əfqanıstan, İran, Qazaxıstan, Qırğızıstan, Monqolustan, Pakistan, Rusiya, Tacikistan, Rusiya, Özbəkistan, Şri-Lanka prezidentləri var. Bu barədə ÇXR xarici işlər nazirinin müavini Çen Qopin brifinqdə bildirib.
Onun məlumatına görə, sammit çərçivəsində EF prezidenti Vladimir Putin, Qazaxıstan prezidenti Nursultan Nazarbayev, Qırğızıstan prezidenti Almazbey Atambayev və İran prezidenti Həsən Ruhani Çinə dövlət səfərləri edəcəklər.
Həmçinin sammitdə Kambocanın dövlət başçısı Xun Sen və BMT baş katibi Pan Gi Mun iştirak edəcəklər.
Həmçinin tədbirdə Türkiyə prezidenti Abdulla Gülün xüsusi nümayəndəsi, Türkiyə XİN rəhbəri Əhməd Davutoğlu iştirak edəcək. Prezident Türkiyə kömür mədənində baş vermiş faciə ilə əlaqədar səfərini təxirə salıb.
ÇXR sədri Si Szinpin sammit çərçivəsində bəzi ölkələrin liderləri ilə ikitərəfli görüşlər keçirəcək.
Ç.Qopin Şanxay sammitinin üç məqsədini açıqlayıb: tərəflər arasında əlaqələrin genişləndirilməsi və inamın möhkəmləndirilməsi, fikir mübadiləsi, ümumi qərarların hazırlanması, Asiyanın üzləşdiyi aktual problemlərin aradan qaldırılması yollarının müzakirəsi.
“Sammitdə müxtəlif ölkələrə Asiyada təhlükəsizlik və əməkdaşlıq məsələləri üzrə fikir mübadiləsi üçün platforma təqdim olunacağına ümid edirik”, - o vurğulayıb və əlavə edib ki, AQAİTM üzvləri Şanxay bəyannaməsini elan edəcəklər. Sənəddə tərəflərin strateji əməkdaşlığı gücləndirilməsi və regionda təhlükəsizliyin təminatı üçün şəraitin yaradılması əksini tapıb. Həmçinin bəyannamədə AQAİTM-in növbəti on il üçün inkişaf planı əksini tapıb.
“İndiki sammitə ev sahibliyi edən ölkə kimi Çin tərəfləri bərabərhüquqlu məsləhətləşmələr vasitəsilə fikir ayrılıqlarının və ziddiyyətlərin dinc yolla aradan qaldırılmasına yönəltməyə hazırdır”, - Qopin qeyd edib.
AQAİTM 1992-ci ildə dialoq, məsləhətləşmə və inamın artırılması üçün platforma kimi təsis edilib. Forum 24 üzv cə 13 müşahidəçi ölkəni birləşdirir. —0—
Dünyada
-
Rusiyanın cənubunda, Ukrayna ilə həmsərhəd olan Belqorod vilayətinin 14 kəndinə giriş-çıxış əksər mülki vətəndaşlar üçün bağlanacaq, qubernator Vyaçeslav Qladkov çərşənbə axşamı bildirib ki, bu, Ukraynanın atəşi nəticəsində oradakı "son dərəcə çətin" vəziyyətlə bağlıdır.
-
Fransa prezidenti Emmanuel Makron çərşənbə axşamı baş nazirin istefasını qəbul edib, lakin ayın sonunda Fransa Paris Olimpiadasına ev sahibliyi etməyə hazırlaşdığı bir vaxtda onu müvəqqəti hökumətin başçısı kimi saxlayıb.
-
Xiaomi CEO-su Lei Jun, Weibo-da Pekinin Changping şəhərində yerləşən yeni nəsil smartfon istehsal fabrikinin tezliklə fəaliyyətə başlayacağını elan edib, gizmochina.com xəbər verir. Elan, video təqdimatı ilə müşayiət olunaraq, bu “qaranlıq fabrikin” qabaqcıl imkanlarını vurğulayır, insan müdaxiləsi olmadan gündə 24 saat işləmək üçün nəzərdə tutulub.
Rəy yaz