AXCP fəalı E.Abdullayevin cəza müddəti 2,5 ilə endirilib
Bu gün Azərbaycan Ali Məhkəməsi Azərbaycan Xalq Cəbhəsi Partiyasının gənc fəalı Elvin Abdullayevin kassasiya şikayətinə baxıb. Məhkəmə ittihamı ağır 234.4.3-cü (böyük ölçüdə narkotik vasitələrin qanunsuz dövriyyəsi) maddədən daha yüngül 234.1-ci (qanunsuz narkotik saxlama) maddəyə tövsif edib və həbs cəzası müddətini 6 ildən 2,5 ilə endirib.
Müdafiə tərəfin hökmlə razı olmadığını bildirib, belə ki, fəala bəraət verilməsində israr edirdi. Bu qərardan Avropa İnsan Hüquqları Məhkəməsinə şikayət veriləcək.
E.Abdullayev 2015-ci il yanvarın 8-də imtahandan çıxarkən saxlanılıb. Polisin iddiasına görə, onun üzərindən 3 qr heroin götürülüb.
E.Abdullayevə qarşı 234.4.3-cü (böyük ölçüdə narkotik vasitələrin qanunsuz dövriyyəsi) maddə ilə ittiham irəli sürülüb. Amma tələbə bildirib ki, narkotik onun üzərinə qəsdən atılıb. O, ittihamı siyasi sifariş hesab edir. Hüquq müdafiə təşkilatları onu siyasi məhbus kimi tanıyıblar. Amnesty İnternational bu günlərdə Abdullayevi “vicdan məhbusu” elan edib. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz