Həbsdə olan AXCP sədrinin müavini Fuad Qəhrəmanlının barəsində seçilmiş həbs qətimkan tədbirinin müddəti yenidən artırılıb.
Vəkil Yalçın İmanov bildirib ki, Nəsimi rayon Məhkəməsində istintaq orqanının verdiyi vəsatətə əsasən F.Qəhrəmanlının barəsindəki həbs qətimkan tədbiri daha 1 ay uzadılıb.
F.Qəhrəmanlı facebook səhifəsində yazdığı statuslara görə ötən il noyabrın 26-da hüquq-mühafizə orqanlarının Bakının Nardaran qəsəbəsində keçirdiyi xüsusi əməliyyatdan sonra dekabrın 8-də həbs olunub. Həmin statuslara görə ona qarşı Cinayət Məcəlləsinin 281-ci (dövlət hakimiyyəti əleyhinə çağırışlar etmə) və 283-cü (milli, irqi, sosial, dini nifrət və ya düşmənçiliyin salınması) maddələri ilə ittiham irəli sürülüb.
Sonradan AXCP sədrinin müavininə qarşı daha ağır ittiham, Cinayət Məcəlləsinin 220.2-ci maddəsi (kütləvi iğtişaşa çağırış) ilə ittiham elan edilib.
Fuad Qəhrəmanlı və AXCP ittihamları siyasi sifariş hesab edir. -03D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz