Sarkisyan Qarabağa gəlib

Ermənistan prezidenti bu gün Qarabağa gəlib, xəbəri onun mətbuat xidməti yayıb, amma səfərin məqsədini açıqlamayıb.

Yerli müşahidəçilərin fikrincə, Sarkisyan yerli liderlərə Rusiya, Ermənistan və Azərbaycan prezidentlərinin Sankt-Peterburq görüşünün yekunları haqqında məlumat verəcək.

Sarkisyanın bu məqsədlə şəxsən Qarabağa getməsi məlumatın nə dərəcədə əhəmiyyətli olduğunu göstərir.

Ermənistan tərəfi hələlik Azərbaycan Prezident Administrasiyası rəhbərinin müavini Novruz Məmmədovun Sankt-Peterburqda Qarabağ münaqişəsinin mərhələli nizamlanması haqqında razılaşma əldə olunduğu barədə sensasiyalı bəyanatına reaksiya verməyib.

Aprel müharibəsindən sonra Ermənistan tərəfi mərhələli həllin qeyri-mümkün olduğunu bildirib, bundan başqa, danışıqlar masası arxasına qayıtmaq üçün şərtlər irəli sürüb. Amma Yerevann şərtlərini (Qarabağın danışıqlarda mütləq iştirakı, təhlükəsizlik zəmanəti və güc tətbiqindən imtina) heç kim ciddiyə almayıbvə Sarkisyan bununla barışmaq məcburiyyətində qalıb.

Göründüyü kimi, Sarkisyan qarabağlıları mərhələli həlli qəbul etmək zərurətinə inandırmaq və bundan imtina edəcəkləri təqdirdə mümkün nəticələr haqqında danışmaq niyyətindədir. -02D-