Bakı/31.10.17/Turan: Hazırda ləğv edilmiş Milli Təhlükəsizlik Nazirliyinin əməkdaşlarının işi üzrə səs-küylü məhkəmə prosesi yekunlaşıb. Keçmiş MTN-in Energetika və nəqliyyat sahələrində təhlükəsizlik idarəsinin rəisi, general Akif Çovdarov əmlakı müsadirə edilməklə və rütbədən məhrum edilməklə 12 il həbs cəzası alıb. O, Cinayət Məcəlləsinin insan oğurluğu, hədələmə yolu ilə pul tələb etmə, mənimsəmə, vəzifə səlahiyyətlərindən sui-istifadə və s. kimi 10 maddəsi ilə ittiham olunurdu. Bu iş üzrə keçən daha ki MTN zabiti - Səlim Məmmədov və Akif Əliyev müvafiq olaraq 11 və 5 il müddətinə həbs edilib.
Məhkəmə qərarı geniş rezonans doğurub, sosial şəbəkələrin bir çox fəal istifadəçiləri müxalifətçilərin və fəalların "təqsirini" sübut etmədən onları da eyni müddətə həbs etdiklərini nəzərə alaraq, qərarı yumşaq və ədalətsiz adlandırıblar. Bir çox ağır cinayətlər törədən Çovdarov isə 12 il azadlıqdan məhrumetmə ilə canını qurtarıb.
Müxalifət liderləri Akif Çovdarov barəsində hökmü Turan-a şərh ediblər.
ReAl Hərəkatının İdarə Heyətinin üzvü Azər Qasımlı Çovdarov barəsində hökmü siyasi sifariş hesab edir.
"Azərbaycan məhkəmələrində ədalət yoxdur, məhkəmələr qərar qəbul edərkən qanunlara əsaslanmır, yuxarılarda qəbul edilmiş qərarı elan edir. Qiyas İbrahimov və Bayram Məmmədovun qraffitiyə görə 10 il müddətinə azadlıqdan məhrum edilməsi absurd idi. Ölkə qanunlarında qraffitiyə görə cəza nəzərdə tutulmayıb və biz məhkəmənin bu qərarı çıxararkən hansı ölkənin qanunlarını əsas götürdüyünü bilmirik. İstənilən halda, bu, siyasi sifariş idi. Fəalların və müxalifətçilərin uzunmüddətli həbs cəzasına məhkum edilməsinin əsas məqsədi digərlərini qorxutmaqdır", deyə Qasımlı bildirib.
General barəsində hökmlə bağlı Qasımlı qeyd edib ki, hökm çıxarılarkən ölkə hakimiyyətinin iradəsi nəzərə alınıb.
"Onun niyə məhz 12 il müddətinə azadlıqdan məhrum edildiyini demək çətindir, amma bu, yuxarıların qərarı idi. Ola bilər ki, Çovdarovu məhz qanunun tələbinə uyğun həbs müddətinə məhkum ediblər. Çovdarov siyasi opponent deyil, müxalifət partiyasının, hərəkatların üzvü deyil və hakimiyyətə qarşı etiraz etməyib. Belə olsaydı, çox güman ki, onu daha uzun müddətə həbs edərdilər. Çox güman ki, müəyyən müddət keçdikdən sonra taladığı vəsaitin böyük hissəsini əlindən alaraq, Çovdarovu azadlığa buraxsınlar. Belə bir qərar olsa, təəccüblənmərəm", deyə Qasımlı qeyd edib.
Müsavat Partiyasının başqanı Arif Hacılı hesab edir ki, ictimaiyyətin Akif Çovdarovun əməlləri haqqında kifayət qədər məlumatı var.
"Onun əməlləri ağır cinayətlərə aiddir. Amma Çovdarov kifayət qədər yaşlı insandır və mənə məlum olduğu qədər, səhhətində problemlər var. Buna görə ona verilən 12 il ömürlük hökmə bərabərdir. Mən cinayət törədən insanların adekvat cəzalandırılmasının tərəfdarıyam. Mən həbsxanada olarkən orada müəllimənin çantasından 1 manat oğurlayan gənc var idi. Buna görə onu oğurluq maddəsi ilə 9 il müddətinə azadlıqdan məhrum etmişdilər. Təbii ki, bununla müqayisədə Çovdarov barəsində hökm çox yumşaqdır".
Siyasətçinin fikrincə, Çovdarovun taleyini təkcə məhkəmə təyin etməyib.
"Çovdarov o insanlar kateqoriyasına aiddir ki, onlar barəsində məhkəmə özü qərar qəbul edə bilmir. Buna görə, şübhəsiz, hökm ali hakimiyyətlə razılaşdırılıb", deyə Hacılı qeyd edib. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz