• contact.az Contact
  • Bakı
  • Sunny26.10 C
  • Şənbə, 27 İyul 2024
    • flag_EN
    • flag_RU

Son yenilənmə

(1 saat əvvəl)
Azərbaycan bayrağı Pamir üzərində dalğalandı
A- A A+
EN RU
Turan İnformasiya Agentliyi
Turan İnformasiya Agentliyi

Azərbaycan bayrağı Pamir üzərində dalğalandı

 

Avqustun 19-da saat 15.00 radələrində Sirxan Məmmədov, Firuz Dadaşov və Rüfət Qocayev keçmiş SSRİnin ən yüksək zirvəsi olan İsmayıl Samoni (keçmiş Kommunizm) zirvəsinə (1495 m) çatdılar və onun üzərində Azərbaycan bayrağını qaldırdılar.
 
    Həmlədən əvvəl bütün gecə güclü külək əsib və qar yağıb. Erkən saatlara planlaşdırılan çıxışı təxirə salmaq məcburiyyətində qalan alpinistlər yalnız qar dayandıqdan sonra marşruta çıxa biliblər. Lakin külək kəsməyib və şiddətli qasırğa bütün fəth boyunca alpinistləri müşaiyət edib, deyə Alpinizm Federasiyasının prezidenti İsrafil Aşurlu Turan agentliyinə bildirib.
 
    Fəthdən sonra alpinistlər 699 metr yüksəklikdəki həmlə düşərgəsinə qayıdıblar və gecəni burada keçirəcəklər. Alpinistlərin vəziyyəti yaxşıdır. Onlar avqustun 20-də baza düşərgəsinə qayıtmağı planlaşdırırlar.
 
    Qeyd edək ki, avqustun 11-də komandamız Pamirin digər yeddi min metrlik zirvəsini - Korjenevski zirvəsini (7105 m) fəth edib.
     "Alpinistləri bu uğurları münasibəti ilə təbrik edirik. İlk fəth dahi Azərbaycan dirijoru və bəstəkarı Niyazinin 100 illiyinə, ikincisi isə Mirzə Fətəli Axundovun 200 illiyinə həsr olunmuşdu", deyə Aşurlu bildirib.
 
   Bundan əvvəl - iyulun sonlarında Azərbaycan alpinistləri 7131 m yüksəkliyi olan İbn Sina zirvəsini fəth ediblər. Bu fəth Qarabağ xanlığının və Şuşa şəhərinin banisi Pənah xana həsr edilmişdi. -02В-

 

Rəy yaz

Cəmiyyət

Bizi sosial şəbəkələrdə izləyin

Xəbər lenti