Azərbaycan sakinləri Rusiyanın təhsil mərkəzlərinin imkanlarından yararlana biləcəklər

Bakı/01.11.22/Turan: Bu yaxınlara qədər Azərbaycanda rus dilinin öyrənilməsinin əsas yolları rusdilli məkdəbdə təhsil, xüsusi mərkəzdə əyani təhsil və ya özünütəhsil idi.

Hazırda onlayn təhsil sayəsində imkanlar genişlənib. RF-nin Maarif Nazirliyi belə layihələrə dəstək verir, bu barədə BMT-nin "PRO-VİJEN EYCENSİ" adlı araşdırmasında deyilir.

Bu idarə rus dilinin və mədəniyyətinin məşhurlaşmasında maraqlıdır və Azərbaycanı müvafiq təhsil təşəbbüslərinə başlamaq üçün ən perspektivli istiqamətlərdən biri hesab edir. Onların əksəriyyəti artıq bir neçə ildir illik əsaslarla həyata keçirilir.

Bir qayda olaraq, təhsil yaz və ya payızda aparılır, əksər proqramların müddəti 2-4 ay təşkil edir.

Belə kurslara "Zlatoust" mərkəzi tərəfindən başladılmış "Belə fərqli Rusiya: dil, mədəniyyət, tarix" layihəsi nümunə ola bilər. Proqrama müxtəlif çətinlik səviyyələrində 20-dən çox pulsuz onlayn kurs daxildir.

Yeni başlayanlar fonetika, ismin halları və fellərlə tanış olacaqlar. Rus dilini irəli səviyyədə bilən azərbaycanlılar isə esse (ali məktəblərə qəbul üçün lazım olan) yazmağı, İnternet rus dilini öyrənəcəklər, 19-20-ci əsrlərin rus ədəbiyyatı, Rusiya rəssamlığının şah əsərləri və onların yaradıcılarının taleləri, ölkə tarixi ilə tanış olacaqlar. Təhsil yaş məhdudiyyəti olmadan bütün Azərbaycan vətəndaşları üçün əlçatandır.

Rəsmi https://zlat.spb.ru/services/takaya-raznaya-rossiya/ saytında və ya birbaşa https://rkionline.ru/ təlim platformasında kurslar haqqında məlumat almaq və kurslara yazılmaq olar. 

V.Q.Korolenko adına Qlazovski Dövlət Pedaqoji İnstitutu daha bir maraqlı onlayn təlim variantı təklif edir.

2021-ci ildə institut rus dilində Açıq Təhsil Mərkəzi təsis edib, bu ilin payızında isə mərkəzin fəaliyyətinin genişləndirildiyini elan edib. Üstünlük verilən məqamlardan və hazırlıq səviyyəsindən asılı olaraq proqram seçmək olar. Qeydiyyat artıq indidən açıqdır, təhsil isə 2022-ci ilin sonlarına qədər davam edəcək.

Kurs seçmək və iştirakçı kimi qeydiyyatdan keçmək üçün https://coo-ggpi.ru/#kursy-2022 linkinə keçid edin.

"Tanış olun - Rusiya" açıq təhsil proqramı informasiya-maarifləndirmə silsiləsi də (təşəbbüskarı "Almira" MMC-dir) Azərbaycan sakinlərinin rus dilinə və mədəniyyətinə marağının artırılmasına xidmət edir. İnteraktiv dərslər pulsuzdur və mövzulara ayrılıb. Formatların müxtəlifliyi - master klass videoçarxları, viktorinalar, informasiya-prezentasiya tədbirləri səmərəli təhsilə şərait yaradır. Eyni zamanda, proqrama onlayn sərgilərin keçirilməsi daxildir, bu sərgilərdə iştirakçılar hər bir istiqamət üzrə hazırladıqları orijinal əsərlərini nümayiş etdirə bilərlər.

https://hello-russia.org./#about səhifəsində layihəyə qoşulmaq olar.

Əlavə Peşə Təhsili İnstitutunda açılmış mərkəzdə də oktyabrın 24-də pulsuz rus dili dərsləri başlayıb. Məktəblilər, təbələlər, müəllimlər və rus dili müəllimləri, habelə rus dili və mədəniyyəti ilə maraqlanan hər kəs iştiraka dəvət edilir. Onları "Müasir dünyada rus dili və rus mədəniyyəti: açıq təhsil modelləri" layihəsi çərçivəsində birləşdirilmiş ümumilikdə altı kurs gözləyir.

Rus dili müəllimləri oktyabrın 10-dan etibarən rus dilində təhsil aparan müəllimlərin Beynəlxalq Müsabiqəsində iştirak etmək üçün ərizə verə bilərlər.

Müəllimlər öz layihələrini digər iştirakçılar və münsiflər heyəti qarşısında prezentasiya formatında təqdim edir, daha sonra qaliblər müəyyən ediləcək.

www.edu-nnov.ru ətraflı məlumat əldə etmək olar.

"Biz xarici auditoriya arasında rus dilinin öyrənilməsinə marağın artdığını müşahidə edirik. Və bu gün mühüm istiqamətlərdən biri Rusiyalı mütəxəssislər və onların xarici həmkarları ilə ortaq təhsil məkanı yaratmaqdır. Biz Rusiya ilə təhsil sahəsində əməkdaşlığın möhkəmləndirilməsinə fəal şəkildə can atan bir sıra ölkələr görürük və biz onlarla ardıcıl şəkildə qarşılıqlı fəaliyyət göstəririk", deyə Rusiya maarif nazirinin müavini Denis Qribov şəhr edir. 06В