Azərbaycan tələbələrinin sosial şəbəkəsi yaradılıb

Türkiyənin ən böyük təhsil resurslarından biri olan mezun.com saytı və Azərbaycanın təhsil portalı olan telebe.az arasında ortaq sosial şəbəkə yaradılıb. 

Bu gündən istifadəyə verilən şəbəkə vasitəsi ilə tələbələr xarici universitetlər barədə informasiyalar, təhsil xəbərləri və digər faydalı məlumatları əldə edə biləcəklər. (telebe.az.mezun.com)

Şəbəkə artıq dünyanın bir neçə ölkəsində aktiv fəaliyyət göstərir. İstifadəçilər birbaşa olaraq xaricdə təhsil alan azərbaycanlılarla təmas yaradıb onlardan həmin ölkədəki təhsil və oxuduqları universitet barədə məlumat əldə edə biləcəklər.

Belə ki, ilkin olaraq şəbəkə Türkiyədə təhsil üçün aktivləşdirilib. Amma yaxın gələcəkdə digər ölkələr də əlavə ediləcək. Şəbəkəyə qoşulmaq üçün tələbə ya birbaşa qeydiyyatdan keçə və ya Facebook hesabından istifadə edə bilər.

İlkin olaraq saytın 70%-i Azərbaycan dilinə tərcümə edilib. Saytın təkmilləşdirilməsi ilə bağlı işlər davam edir.  Onu da qeyd edək ki, sayt vasitəsilə xaricdə təhsil alan gənclərə 300 dollar məbləğində birdəfəlik təqaüd də veriləcək. 

Qeyd edək ki, 1999-cu ildə yaradılan Mezun Group informasiya texnologiyalarında istifadə etməklə vətəndaşlar  üçün faydalı məlumatların hazırlanması ilə məşğul olur. Mezun Group-un Avropa, Şimali Amerika və Türkiyədə təmsilçiləri var. -0-