![Prezidenti Rəcəb Tayyib Ərdoğan Türkiyənin "TOGG" şirkəti tərəfindən istehsal olunan ilk elektrik avtomobillərin təqdimatında.](https://turan.az/resized/media/2022/main/110400053687-750-500-resize.webp)
Prezidenti Rəcəb Tayyib Ərdoğan Türkiyənin "TOGG" şirkəti tərəfindən istehsal olunan ilk elektrik avtomobillərin təqdimatında.
Azərbaycanda 4 ildir elektromobil istehsalından danışılır, prezident xaricə sifariş verir
Azadlıq.org: Türkiyədə artıq elektrik avtomobili istehsal edilərək satışa çıxarılır. Türkiyə prezidentinin sözlərinə görə, Azərbaycan prezidenti də onlardan iki ədədinin
Azərbaycanda da illərdir belə avtomobil istehsalına başlanılacağı deyilirdi. Hətta 2018-ci ildə Naxçıvan Avtomobil Zavodunda bu tipli avtomobillərin istehsalına hazırlıq işlərinə başlandığı açıqlanmışdı. Üstəlik, modellərin adları da müəyyənləşdirilmişdi – "Lifan 330" və "Lifan 650". Lakin sonra bu layihə baş tutmadı.
Amma bu ilin iyununda da Naxçıvan Avtomobil Zavodunda Çin markası pikap və elektromobillərin yığılmasına başlanılacağı deyildi. Müəssisədən bildirilirdi ki, orada ilk dəfə olaraq bu ilin sentyabrından "ZX Avto" markasına aid pikapların yığılması planlaşdırılır və avtomobilin hissələri, əsasən, Çindən gətiriləcək.
Elektromobil istehsalına gəlincə, qeyd olunmuşdu ki, nümunə üçün artıq yeddi-səkkiz Çin markası Azərbaycana gətirilib. Amma istehsal ediləcək marka təsdiqlənməyib.
Hələlik, bu məsələlərə həmin müəssisənin özündən izah almaq mümkün olmayıb.
Dövlət Gömrük Komitəsinin məlumatına görə, bu ilin yanvar-sentyabr aylarında Azərbaycana 744 milyon ABŞ dolları dəyərində 55 min 199 müxtəlif təyinatlı avtomobil idxal olunub. Bunlardan 51 min 55-i minik, 8 min 999-u hibrid mühərrikli, 301-i isə elektrik mühərrikli avtomobillər olub. Ötən ilin həmin dövrü ilə müqayisədə ölkəyə gətirilən minik avtomobillərinin sayı 16, hibrid avtomobilləri 2.5 faiz azalsa da, elektromobillərin sayı 3.2 dəfə artıb.
Qanunvericiliyə əsasən, 2019-cu ildən yalnız elektrik mühərriki ilə işləyən nəqliyyat vasitələri idxal zamanı Əlavə Dəyər Vergisindən (ƏDV) azad olunub. 2021-ci ildən isə ölkə ərazisində belə avtomobillərin satışı zamanı 18 faizlik ƏDV də ödənilmir.
Milli Məclisin deputatı Azər Badamov "Turan"a bildirib ki, indi elektrik avtomobilləri istehsal edən ölkələr dünyada barmaqla sayılar. O hesab edir ki, bu avtomobillərin istehsal prosesinin təşkili heç də asan deyil: "Bunun üçün müasir texnologiyaların gətirilməsi, istehsal proseslərinin qurulması istiqamətində işlər görülməlidir. Bizim çoxlu sənaye parklarımız ərsəyə gəlib, o cümlədən Ağdam Sənaye Parkı. Orada son günlərdə yeni dörd rezident qeydiyyata alınıb, rezidentlərin sayı 11-ə çatıb. Onların fəaliyyəti müasir texnologiyalar üzərində qurulub".
İqtisadçı Rəşad Həsənov isə AzadlıqRadiosuna bildirib ki, Azərbaycanda bugünə qədər bu istiqamətdə göstərilən təşəbbüslər özünü tam olaraq doğrultmayıb: "Xüsusilə də nəzərə alsaq ki, Azərbaycanda atmosferin çirklənməsində ən ciddi problem məhz fərdi avtomobillərin istifadəsindən yaranır və atmosferə tullantıların 90 faizini təşkil edir. Halbuki, ölkə öhdəlik götürüb ki, 2035-ci ilə qədər atmosferə atılan tullantılar 35-40 faiz azaldılacaq".
İqtisadçının sözlərinə görə, belə olan halda ölkədə elektrik avtomobillərin istifadəsi genişlənməlidir: "Amma bu təşəbbüslər yerli istehsalın hesabına nə qədər özünü doğruldacaq, bunu demək çox çətindir. Elektrik avtomobillər ənənəvi avtomobillərlə müqayisədə daha mürəkkəb kombinasiyalı bir modeldir".
Ekspertin fikrincə, yerli bazara xarici investorlar daxil olacaqsa, vəziyyət dəyişə bilər: "Amma Azərbaycanda avtomobillərin istehsalı ilə bağlı biznes mühiti digərlərdən o qədər də fərqlənmir. Ölkədə iqtisadiyyatın idarə edilməsinə yanaşma dəyişməlidir. Burada məhkəmə hüququndan tutmuş, mülkiyyət hüququnun müdafiəsi, liberal bazar iqtisadiyyatına keçid, gömrük prosedurlarının, investisiya repatriasiyası prosesinin sadələşdirilməsinə qədər məsələlərdə islahatlar getməlidir".
-
- Siyasət
- 4 Noyabr 2022 16:42
Cəmiyyət
-
Ölkənin ən böyük özəl operatoru “Bakcell” “Dream Fest” Beynəlxalq Musiqi Festivalının premium sponsoru olub. Festival ərzində iştirakçılar “Bakcell” stendinə yaxınlaşaraq şirkətin yeni və innovativ məhsulları barədə məlumat alıblar, xüsusi hədiyyələr qazanmaq imkanı əldə ediblər. Bundan əlavə, şirkət festivalda çıxış edən dünya ulduzlarına “Bakcell” nömrələri təqdim edərək onları ölkəmizdə olduqları müddətdə yüksəkkeyfiyyətli mobil rabitə xidmətləri ilə təmin edib.
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
Rəy yaz