Bakı/27.07.23/Turan: Sentyabrın 2-4-də Azərbaycan Dili və Ədəbiyyatı Formu keçiriləcək. Form sentyabrın 2-də Şamaxı şəhərində başlayacaq. Mədəniyyət Nazirliyinin yaydığı məlumata görə Form sentyabrın 3-4-də Bakı şəhərində davam edəcək. Formda iştirak etmək istəyən şəxslər 25 avqust 2023-cü il tarixinədək Mədəniyyət Nazirliyinin “culture.gov.az” rəsmi internet saytında yerləşdirilən onlayn müraciət forması vasitəsilə qeydiyyatdan keçə bilərlər.
Qeyd edək ki, mütəxəssislərin forum çərçivəsindəki fikir və təklifləri ümumiləşdirilərək “Azərbaycan mədəniyyəti – 2040” Dövlət Proqramında öz əksini tapacaq. Formda əsas mövzular mədəniyyətimizin yaşadılması, inkişafı və təbliğində Azərbaycan dili və ədəbiyyatın rolu, Azərbaycan dilinin saflığının qorunub saxlanılması, müasir ədəbi proseslər, ölkəmizdə uşaq ədəbiyyatının ideoloji mahiyyəti və müasir problemləri, milli kitab sənayesinin hazırkı vəziyyəti və bu sahəyə dövlət dəstəyi, uşaq və yeniyetmələr arasında mütaliənin təbliği, teatr və kinonun inkişafında ədəbiyyat faktoru və digər bununla bağlıdır.
Hazırda əhalinin böyük bir qismi Azərbaycan dilinə olunan tərcümələrin keyfiyyətsizliyi və öz dilimizdə olan ədəbiyyatın azlığından şikayətlənir. Bəzi xarici əsərlərin isə ümumiyyətlə Azərbaycan dilinə tərcüməsi yoxdur. Mediada çıxan bir çox materialda insanların tərcümələrlə bağlı şikayətləri qeyd olunub.
Modern.az saytında dərc olunan “Hər dil bilən tərcüməçi deyil” - Tərcümə Mərkəzindən bədii tərcümələrə tənqid” sərlövhəli yazıda tərcümələrlə bağlı problemin səbəbləri və həll yolları qeyd olunub.
“Bədii tərcümə bu sahəninən az gəlirli növlərindən biri olduğu üçün bu sahəyə meyl edən yaxşı tərcüməçilərin sayı azdır. Ən yaxşı məbləğ təklif edən nəşriyyat belə, səhifəyə 10-12 manatdan yuxarı ödəmir. Əksər hallarda bədii tərcüməçilərə səhifəyə görə 5-6 manat verilir”. -Azərbaycan Gənc Tərcüməçilər Assosiasiyasının sədri İsmayıl Cəbrayılov
Məqalədə əsas problemin maddiyyat və həvəskar tərcüməçilərin hərfi tərcümə etməsi olduğu vurğulanıb. Əlavə olaraq keyfiyyətsiz tərcümələrin səbəbi kimi tərcüməçinin dili kifayət qədər yaxşı bilməməsi və yazıçını tanımamasından da qaynaqlandığı qeyd olunu. Yaxşı tərcüməçilərin isə aşağı ödənişlə tərcümə etməyə razılaşmadığı qeyd olunub.
“Bizdə ingilis dilindən daha çox kitab tərcümə olunur, nəinki, rus, türk və ya başqa dillər”. -Şahbaz Xuduoğlu
Kinolarla da bağlı vəziyyət eynidir. Əhali kinoteatrlarda filmlərin daha çox Rus dilində olmasından şikayətlənir. Yeni gələn filmlər ya keyfiyyətsiz subtitrlarla təqdim olunur ya da ümumiyyətlə Azərbaycan dilində heç bir təqdimat olmur.
Azərbaycan dilinin önəminə bütün sahələrdə ciddi diqqət ayrılmasına ehtiyac var. Belə formların keçirilməsi Azərbaycan dilində ədəbiyyatın önəminin dərk edilməsinə və problemlərin həll yollarının tapılmasına kömək edə bilər. Azərbaycan dilində Gələcəkdə belə formların, tədbirlərin daha çox keçiriləcəyi gözlənilir.
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz