Bakı/05.10.18/Turan: Azərbaycanlı hüquqşünas-alim Ermənistan rəhbərliyini Ermənistan ictimaiyyətinə tanıdacaq.
Turan agentliyinin məlumatına görə, bu barədə Bakı Dövlət Universitetinin hüquq fakültəsinin dekanı, professor Əmir Əliyev İstanbul Universitetindəki çıxışında bildirib. Professor Əmir Əliyevin bu il Bakıda türk dilində nəşr edilən "Azerbaycan uluslararası suçların hedefinde: hukuki inceleme"adlı kitabının İstanbul Universitetində təqdimatı keçirilib. Təqdimat mərasimində çıxış edən İstanbul Universiteti hüquq fakültəsinin müəllimi, professor Fethi Gedikli Türkiyə ilə Azərbaycan arasında elmi əlaqələrin yaradıcısı olan professor Əlibəy Hüseynzadənin bu sahədəki rolundan danışıb. Professor Gedikli müasir dövrdə İstanbul Universiteti ilə Bakı Dövlət Universiteti arasında əlaqələrin inkişaf etdirilməsinə dair bəzi örnəklər verərək, əlaqələrin daha da dərinləşdirilməsinin vacibliyini vurğulayıb.
Təqdimat mərasimində çıxış edən BDU hüquq fakültəsinin dekanı, professor Əmir Əliyev indiyə qədər kitabının 6 dildə çap edildiyini, bundan sonrakı hədəfin isə əsərin ispan, Ukrayna və erməni dillərində çap etməkdən ibarət olduğunu deyib. "Erməni dilində buraxılmasının əsas səbəblərindən biri də erməni ictimaiyyətini və erməni xalqını Azərbaycana qarşı törədilən bu cinayətlər barədə məlumatlandırmaq, xüsusən, Ermənistan rəhbərliyinin və erməni cinayətkarların etdiyi hərəkətləri onlara bir daha yaxından göstərmək, indiyədək onlara hansı rejimlərin rəhbərlik etdiyini tanıtmaqdır. Hansı rejimlər? O rejimlər ki, onlar xalqa əslində böyük düşmənçilik, çox böyük ixtilaflar ediblər və bunları uzun müddət insanların beynindən, insanların düşüncəsindən çıxartmaq mümkün deyil. Ona görə, əlbəttə, bunu erməni xalqının bilməsi də çox vacibdir", - professor Ə.Əliyev bildirib. O, "Azerbaycan uluslararası suçların hedefinde: hukuki inceleme" adlı kitabının fəsilləri barədə ətraflı məlumat verib. Tədbirdə Türkiyənin elmi ictimaiyyətinin və siyasətçilərin yaxından maraq göstərdiyi kitabın hədəflərinə dair fikir mübadiləsi aparılıb.--0--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz