Bakı/15.10.18/Turan: Badamdar qəsəbəsində sürüşmə zonasında həftə sonu ciddi dəyişiklik baş verməyib, bu barədə Ekologiya Nazirliyinin geoloji planlaşdırma ekspedisiyasının rəisi Əziz Qaralov "20-ci Sahə" və Badamdar arasındakı ərazidə vəziyyəti şərh edərkən bildirib.
Mütəxəssislər dinamikanı müşahidə edir. Ötən gün ərzində bu zonada uçqunlar baş verib, "20-ci Sahə" və Badamdar arasındakı avtomobil yolunun bir hissəsi bağlanıb.
Geoloqun sözlərinə görə, sürüşmənin fəallaşmasının səbəbi bu ərazidə tikilmiş evlərin kanalizasiya sisteminin olmamasıdır.
Bu sular torpaq səthilə axıdılır, torpaq da müəyyən müddət sonra bu sulardan "doyur", qrunt suları qalxır, bu da torpağın dayanıqlığını itirməsinə və sürüşməsinə səbəb olur.
Qeyd edək ki, sözügedən zonada minlərlə fərdi ev tikilib. Onların əksəriyyəti yamacda inşa edilib ki, onlar öz-özlüyündə dayanıqlı deyil.
Əhalinin köçürülməsi ehtimalına gəlincə, geoloq qeyd edib ki, bu barədə hökumət qərar verməlidir. -05D06-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz