![Açıq mənbələrdən foto](https://turan.az/resized/750/500/resize/media/2019/main/022000016943.jpg)
Açıq mənbələrdən foto
Bakı-Sumqayıt sürətli dəmir yolu piyadalar üçün təhlükəlidir
Ötən həftə, fevralın 13-də Xırdalanda dəmir yolu relsini keçən 42 yaşlı qadın Bakı-Sumqayıt qatarının altında qalıb. 2017-ci il dekabrın 23-də həmin qatar Keşlə stansiyası yaxınlığında piyada Səbuhi Azayevi öldürüb. 2017-ci ilin aprelində həmin yolda ölümlə nəticələnən daha bir hadisə baş verib. Yolun yaxınlığında yaşayan vətəndaşlar deyirlər ki, əslində faciəvi hadisələr çoxdur, ancaq onların hamısı rəsmi məlumatlara düşmür.
Sürətli dəmir yolunda faciələrin zənciri zolağın piyadalara və heyvanlara bağlanmasının vacibliyini göstərir. Onların relsin üzərinə çıxması bədbəxt hadisələrə səbəb ola bilər. Üstəlik, təkcə təkər altına düşənlər yox, sərnişinlər də zərər çəkə bilər.
Bakı-Sumqayıt xəttində dəmir yolu hasarlanacaqmı? Nə zaman? Turan-ın bu suallarına Azərbaycan Dəmir Yolları QSC-də cavab veriblər ki, bu xətdə sürətli hərəkətin təşkili zamanı dəmir yolunun hər iki tərəfində hasar qurulması planlaşdırılmışdı. Planda yeraltı və yürüstü piyada keçidlərinin inşası vardı. Ancaq texniki müdafiə vasitələrinin inşası maliyyə çatışmazlığı səbəbindən yubadılır.
QSC-nin mətbuat xidmətində əhalinin sürətli qatarlardan qorunması ilə bağlı mövcud tədbirlər kimi yol boyunca qoyulmuş xəbərdarlıq plakatlarını və avtomatik işıq göstəriclərini qeyd ediblər. Ancaq daha təhlükəli, adamların və heyvanların yola çıxma ehtimalının yülsək olduğu yerlərdə hasarlanma işlərinin aparılması gedir, mətbuat xidmətindən bildiriblər.
Ölüm hallarının davam etməsi göstərir ki, 2015-ci ilin iyunundan aktiv istismar olunan ilk sürətli dəmir yolu həm piyadalar və heyvanlar, həm də maşinistlər və vaqonlardakı sərnişinlər üçün ölüm təhlükəsi saçır.
Eurasia Diary jurnalistləri Bakı-Sumqayıt yolunda ən təhlükəli hissələri müəyyən ediblər. Altaylı və Çiçək qəsəbələri ərazisində, Xırdalan pivə zavodunun arxasında piyadalar üçün müdafiə vasitələri, şlaqbaumlar yoxdur, baxmayaraq ki, dəmir yolu vasitəsilə intensiv keçid yüksəkdir. Təhlükəsizliklə bağlı xəbərdarlıq plakatları da nəzərə çarpmayıb. Pivə zavodunun ərazisində yalnız bir dənə, zavoda məxsus şlaqbaum var ki, o da avtomobillərin dəmir yolu üzərindən hərəkətini bağlayır.
Azərbaycan Dəmir Yolları QSC Özbəkistanın təcrübəsindən istifadə edə bilər. Orada təhlükəsizliyin təminatı məqsədilə yüksək sürətli Daşkənd-Səmərqənd dəmir yolu boyunca yığma dəmir-beton və metal konstruksiyadan ibarət 684 km. uzunluğunda hasar qurulub.
Rusiyada Sankt-Peterburq və Moskva arasındakı "Sapsan" sürətli dəmir yolu piyadaları və heyvanlaı relslərdə ölümdən, eləcə də sürətlə gələn qatarların güclü yeli nəticəsində yıxılmadan qoruyan hasarla əhatələnib.
"Qatar güclü külək axını yaradır ki, bu da əşyaları, hətta sərnişinlərin özlərini perrondan çəkə bilər. Bu hava axını yoldakı çınqılları belə qaldırmağa qadirdir. Odur ki, hasar dəmir yolu xəttinin yanında yaşayan vətəndaşların həyatını xilas edə bilər. Ancaq eyni zamanda narahatlıq gətirər.
Qeyd edək ki, xaricdə şəhərlərin hamısında qatarlar hasarlanmayıb. Sadəcə, onların yolu adamların yaşadıqları yerdən kənardadır: vadilərdən və ya çoxzolaqlı avtomobil şossesi boyunca keçir. Odur ki, xaricdə sürətli şossedə əsas təhlükəsizlik vasitəsi hasarlanma deyil, relsin insanlara mane olmayan yerlərdə çəkilməsidir", - 2010-cu ildə ria.ru bildirib.
-
- Cəmiyyət
- 20 Fevral 2019 13:00
-
- İqtisadiyyat
- 20 Fevral 2019 13:45
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz