Bakıda və Abşeron yarımadasında sentyabrın 23-də axşam saatlarında başlayan yağış sentyabrın 24-də gecə güclü leysana keçib.
Nəticədə paytaxtın mərkəzi prospekt və küçələri də daxil olmaqla onlarla küçələrdə böyük sel axınları yaranıb. Sel axınları Bakının Neftçilər prospektində, Azneft meydanında, Sahil metrosunun qarşısında, Dəniz Limanının yaxınlığında, ümumilikdə isə Bayıl və Fəhlə prospekti boyunca keçilməz gölməçələr yaradıb.
Babək prospektində vəziyyət daha dözülməz olub. Prospektdəki yol keçidində böyük su axını yolda keçilməz gölməçələr yaradıb. Prospektdə körpünün altından hətta yük maşınları keçə bilməyib. Bir sıra küçələrdə isə asfalt örtükləri dağılıb. Piyada keçidləri su ilə dolub.
Bakının nisbətən çökək ərazilərində yerləşən qəsəbələrdə durum daha dözülməz olub. Sel suları çoxsaylı evlərə dolub, onlarla avtomobil küçələrdə qalıb.
Hökumət qurumlarının əhalinin ziyan çəkməməsi üçün fəaliyyəti diqqəti cəlb etməyib. Turan-ın müxbiri gecə saatlarında Bakının küçələrində olub. Küçədə nə su çəkən qurğular, nə də yolda qalanlara kömək edənlər olmayıb.
Şəhər təsərrüfatının yarıtmazlığı bir daha özünü göstərib. Küçələrdə su kollektorları işləməyib. Sel suları çəkildikdən sonra yollar palçıq içərisində qalıb. Hazırda da küçələrin palçıqdan təmizlənməsi ilə bağlı işlər aparılmır. Palçıq basmış bir çox küçələrdən piyadaların keçməsi mümkün deyil.
Hökumət qurumlarının fəaliyyəti də yarıtmaz olub. Belə ki, Ekologiya və Təbii Sərvətlər Nazirliyi Milli Hidrometeorologiya Departamenti qabaqcadan əhalini gözlənilən leysanla bağlı xəbərdar etməyib. Əksinə, Departament məlumat yayıb ki, sentyabrın 23-dən 24-nə keçən gecə Bakıda və Abşeron yarımadasında bəzi yerlərdə qısamüddətli yağış yağacağı, səhər kəsiləcəyi, sentyabrın 24-də gün ərzində dəyişkən buludlu, əsasən yağmursuz keçəcəyi gözlənilir. Cənub-qərb küləyi əsəcək, arabir güclənəcək.
Eyni zamanda hökumət qurumları sanki heç nə olmamış kimi baş verənlərlə bağlı indiyədək hər hansı rəsmi məlumat yaymayıb.
Bakıda bundan öncə son leysan aprelin 23-24-də olub. O zaman da Bakı küçələri və şəhər təsərrüfatı eyni vəziyyətdə olub. İndiyədək hər hansı dəyişiklik baş verməyib.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz