Demokratik Qüvvələrin Milli Şurası (DQMŞ) AXCP sədri Əli Kərimlinin oğlunun saxlanmasına etiraz olaraq bəyanat yayıb.
Bəyanatda Milli Şuranın 22 sentyabr mitinqindən sonra AXCP sədri Ə. Kərimlinin oğlu Türkel Kərimlinin polislər tərəfindən saxlandığı qeyd olunur. Bu saxlanma nəticəsində T.Kərimlinin 25 sutka inzibati həbs cəzasına məruz qalmasını müəlliflər təsadüfi saymırlar. Bu həbs demokratik qüvvələrə, AXCP və onun liderinə qarşı təzyiq kimi dəyərləndirilir.
Milli Şura T.Kərimliyə qarşı ittihamları əsassız, həbsi qərəzli və siyasi motivli hesab edir. Həbsin Milli Şuranın mitinqindən sonra baş verməsi də təsadüfi adlandırılmır və iqtdiarın qisas almaq niyyətinin açıq şəkildə ortaya qoyulması kimi şərh edilir. Milli Şura rəsmi Bakının öz rəqiblərinə qarşı qanunsuz əməllərini pisləyir, siyasi motivli həbs və təzyiqlərə son qoymasını tələb edir.
Milli Şura hesab edir ki, T.Kərimlinin barəsindəki həbs qərarı ölkə məhkəmələrinin müstəqil olmamasının və siyasi sifarişlə hərəkət etməsinin göstəricisi sayılır. Milli Şura qanunsuz həbs olunan T.Kərimlinin azadlığa buraxılmasını tələb edir.-05D-
Siyasət
-
Cümə günü ABŞ prezidenti Donald Tramp iki ölkə arasında "mənasız" müharibəyə son qoymaq üçün gələn həftə Ukrayna prezidenti Vladimir Zelenski ilə görüşə biləcəyini və Rusiya prezidenti ilə söhbət edə biləcəyini bildirib, xəbəri Turan-ın Vaşinqtondakı müxbiri verib.
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
Rəy yaz