"Vəkil Orxan Kəngərlinin polis şöbəsində təzyiqə məruz qalması barədə etdiyi müraciətə əsasən Binəqədi Rayon Prokurorluğunda müvafiq araşdırma davam edir və nəticəsi barədə məlumat veriləcək", - Baş Prokurorluğun mətbuat xidmətinin rəhbəri Eldar Sultanov iyunun 10-da açıqlama verib.
"Bu məsələ ilə əlaqədar Binəqədi Rayon Polis İdarəsinin 4 saylı polis şöbəsinin əməkdaşlarının barəsində cinayət işinin başlanması ilə bağlı yayılan məlumat isə doğru deyil" deyən E.Sultanov cinayət işinin başlanması barədə məlumatları təkzib edib.
Xatırladaq ki, Vəkillər Kollegiyasının üzvü Orxan Kəngərlinin həmkarları vəkilin Binəqədi Rayon Polis İdarəsinin 4 saylı polis şöbəsində fiziki təzyiqə məruz qalması barədə məlumat yaymışdılar. Amma Daxili İşlər Nazirliyi məlumatın yalan olduğunu bildirərək vəkili polis şöbəsinin normal iş rejimini pozmaqda günahlandırmışdı. Eyni zamanda bu əmələ görə, onun barəsində İnzibati Xətalar Məcəlləsinin 510-cu (xırda xuliqanlıq) maddəsilə inzibati protokol tərtib olunaraq baxılması üçün rayon məhkəməsinə göndərildiyi bildirilmişdi. Bu günlərdə isə O.Kəngərlinin həmkarları vəkilə qarşı zorakılığa yol verildiyinə görə daxili işlər naziri Ramil Usubovun iyunun 7-də verdiyi əmrlə Binəqədi RPİ-nin 4 saylı polis şöbəsinin rəis müavini Yalçın Yaqubovun daxili işlər orqanlarından xaric edilməsi, təhqiqatçı Elnur Rəşidovun isə vəzifədən azad olunması, digər bir əmrlə isə əməliyyatçı və sahə müvəkkilinə töhmət və xidmətə yararsızlıq intizam məluliyyətinə cəlbetmə tətbiq olunması barədə məlumatlar yayıblar. Həmçinin vəkillər bununla bağlı cinayət işinin başlanması barədə də məlumat yayıblar. Amma Daxili İşlər Nazirliyi bu deyilənlərə münasibət bildirməyib.
Cəmiyyət
-
Lider mobil operator “OPPO” və “Honor” cihazlarını əldə edən müştərilərə 3 ay boyunca 5 GB internet hədiyyə edir Azercell Yeni il ərəfəsində abunəçiləri üçün xüsusi kampaniya elan edir. Lider mobil operator “OPPO” və “Honor” cihazları əldə edən fakturasız xətt abunəçilərinə 3 ay boyunca 5 GB internet hədiyyə edir.
-
Bugünlərdə deputat Qüdrət Həsənquliyev parlamentdə prezidentə yalnız məhkumları deyil, istintaq altında olan şəxsləri də əfv etmək səlahiyyətinin verilməsi ilə bağlı təşəbbüs qaldırıb.
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
Rəy yaz