Bakı/19.02.23/Turan: İctimai fəal Bəxtiyar Hacıyev 42 gündür aclığı davam etdirir. O, fevralın 16-dan quru aclığa keçib.
Fevralın 19-da Bəxtiyar Hacıyevin vəkillərinə və ailə üzvlərinə onunla Penitensiar Xidmətin müalicə müəssisəsində görüşə icazə verilməyib. Yalnız Ombudsman Aparatının "qaynar xətt”inə müraciətdən sonra Hacıyevə vəkillər Elçin və Zibeyda Sadıqovlar və yaxınları ilə əlaqə yaratmağa icazə verilib.
"Bəxtiyar Hacıyevin vəziyyəti çox ağırdır. Telefonda çətinliklə danışırdı, səsi çox zəif idi, fasilələrlə danışırdı. Bəxtiyar Hacıyev dedi ki, onun otağındakı nəzarətçilər televizoru yüksək səs verirlər, onu yatmağa qoymurlar ", - Sadıqov Turan-a bildirib.
Fəal vəkildən qeyri-insani rəftarla bağlı Penitensiar Xidmətə şikayət yazmasını xahiş edib.
Eyni zamanda, Hacıyev ona psixoloji təzyiq dayandırılsa və nəzarətçilər onun otağından çıxarılarsa, su içməyə davam etməyə hazırdır.
* Dekabrın 9-da Bəxtiyar Hacıyev xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib.
Dekabrın 15-də Hacıyev həbsdən azad olunması tələbilə aclıq elan edib. İctimaiyyət nümayəndələrinin və ailə üzvlərinin təkidli çağırışlarından sonra dekabrın 28-də axşam aclığı dayandırıb. Lakin Apellyasiya Məhkəməsi onun həbsilə bağlı şikayətini növbəti dəfə təmin etmədikdən sonra, yanvarın 9-da Bəxtiyar Hacıyev yenidən aclığa başlayıb və bu günədək davam etdirir. Aclığın 39-cu günündə su içməkdən də imtina edib. 03В06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz