Bəylər Əyyubovun qohumu hüquq müdafiəçisini təhdid edir

Hüquq və Azadlıqların Müdafiəsi İnstitutunun (HAMİ) Qazax ofisinin rəhbəri Cavid Şirəliyev hədələrə məruz qalır. Bu barədə Turan-a HAMİ-dən məlum olub.  

C.Şirəliyevin hədələrə məruz qalmasına səbəb keçən il dekabrın 23-də “Qirmizi Körpü” keçid məntəqəsində şair Bəxtiyar Hidayətə qarşı zorakılıq barədə mətbuata infromasiya verməsidir. B.Hidayətlə bağlı informasiyalar mətbuatda əksini tapdıqdan sonra Tovuz Gömrük İdarəsinin 3 nəfər əməkdaşı dekabrın 30-da HAMİ-nin ofisinə gələrək hüquq müdafiəçisini hədələyib. Gömrükçülər idarə rəisi Vəzir Hüseynovun göstərişi ilə gəldiklərini deyərək C.Şirəliyevi təhqir ediblər. Onlar hüquq müdafiəçisinə B.Hidayətlə bağlı informasiyalar davam etdirildiyi halda maşının arxasına bağlayaraq Qazaxdan Tovuzadək sürüyəcəkləri ilə hədələyiblər. Mənbə Tovuz Gömrük İdarəsinin rəisi Vəzir Hüseynovun dövlət başçısının şəxsi mühafizə xidmətinin rəhbəri Bəylər Əyyubovun əmisi oğlu olduğunu yazır. 

İnstitut hüquq müdafiəçisinə hədələrlə bağlı yerli və beynəlxalq təşkilatları məlumatlandırıb. İnstitut bu hədə-qorxu ilə bağlı ölkə prokurorluğuna və ombudsmana rəsmi müraciət etməyi nəzərdə tutur. 

Xatırladaq ki, HAMİ şair BəxtiYAR Hidayətin “Qırmızı körpü”də gömrükçülər tərəfindən fiziki zoirakılığa məruz qalması ilə bağlı dekabarın 24-də informasiya yayıb. Bu informasiya ilə bağlı HAMİ-nin Qazax ofisinin rəhbəri Cavid Şirəliyev Qazax rayon Gömrük İdarəsinin əməkdaşları tərəfindən hədələrə məruz qalır. HAMİ-nin təisiçilərindən vəkil Elçin Namazov baş vermiş insidentlə bağlı yanvarın 7-də ölkə prokurorluğu və oçbudsmana müraciət edib. -05D/B-