адвокат Асабали Мустафаев
Bakı/05.01.18/Turan:Azərbaycan Xalq Cəbhəsi Partiyasının (AXCP) üzvü Natiq Kazımov inzibati qaydada 30 sutka həbs edilib. Bu barədə Turan-a vəkil Əsabəli Mustafayev bildirib.
Vəkilin dediklərinə görə, AXCP Gənclər Komitəsinin üzvü N.Kazımov İnzibati Xətalar Məcəlləsinin polisə müqavimət maddəsi ilə günahlandırılıb. Onun Abşeron Rayon Polis İdarəsində saxlandığı güman edilir.
Ə.Mustafayev cəbhəçinin saxlanılması ilə bağlı polisdən hər hansı məlumat ala bilməyib. Yalnız Ombudsman Aparatı vasitəsilə öyrənib ki, cəbhəçi 30 sutka həbs edilib.
Ə.Mustafayev polisə çağırılan digər AXCP fəalı Rəşid Fərəclinin saxlandığı yeri öyrənə bilməyib.
AXCP-də ehtimal edirlər ki, N.Kazımov Qobu qəsəbəsinin sakinlərini qaz verilməsində yaranan fasilələrə görə qaz idarəsinin qarşısında dinc aksiya keçirməyə çağırdığına görə həbs olunub.
AXCP-nin məlumatına görə, R.Fərəcli sosial şəbəkələrdə fəallığına görə təqib edilir.-16d-
Cəmiyyət
-
Bazar günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısı keçəcəyi gözlənilir. Lakin gecə və səhər bəzi yerlərdə qısamüddətli yağış yağacağı ehtimalı var. Şimal-şərq küləyi əsəcək.
-
Şənbə günü Abşeron yarımadasında intensiv yağış yağacağı, şimşək çaxacağı gözlənilir.
-
Oktyabrın 12-də paytaxtın bəzi yerlərində yağış yağacaq, Abşeron yarımadasında intensiv olacaq, xəbəri Milli Hidrometeorologiya Xidmətinin sinoptikləri yayıb.
-
TƏBİB-dən Turana bildirilib ki, oktyabrın 10-u saat 19:00-dan başlayaraq Qazax Rayon Mərkəzi Xəstəxanasına ümumilikdə 18 nəfər zəhərlənmə şübhəsilə müraciət edib. Onların hər birinə zəruri tibbi xidmətlər göstərilib. 16 nəfər ambulator müalicə üçün evə buraxılıb, hazırda 2 nəfərin müalicəsi Təcili tibbi yardım bölməsində davam etdirilir, vəziyyətləri orta ağır olaraq qiymətləndirilir.
Rəy yaz