Bu gün BMT Təhlükəsizlik Şurasında İranla bağlı iclas keçiriləcək

Bakı/05.01.18/Turan: BMT Təhlükəsizlik Şurası cümə günü İran hadisələrilə bağlı ekstren iclas keçirəcək, "Amerikanın səsi" bildirib.

Rusiya dinləmələri İranın daxili işlərinə "müdaxilə cəhdi" adlandıraraq buna yol verilməməsinə çalışsa da iclas keçiriləcək.

Cümə axşamı ABŞ iclasın keçirilməsi barədə rəsmi sorğu göndərib. Ancaq Rusiya və Təhlükəsizlik Şurasının digər üzvləri bu orqanın İran hadisələrini müzakirə etməli olduğundan əmin deyil, diplomatlar bildirirlər.

ABŞ iclasın keçirilməsinə lobbiçilik edib. BMT-nin ABŞ-dakı daimi nümayəndəsi Nikki Xeyli bundan öncə bildirib ki, nümayişçilərə dəstəyi göstərmək üçün iclasın keçirilməsinə nail olmaq istəyir.

"İran xaqlı azadlıq istəyir", - çərşənbə axşamı o bildirib. "Azadlıqsevər insanlar onların bu səylərini dəstəkləməlidir".

Lakin cümə axşamı rusiyalı yüksək vəzifəli diplomat ABŞ-ı bu cəhdlərdən çəkindirərək bunu İranın "daxili işlərinə qarışmaq cəhdi" kimi xarakterizə edib.

Dekabrın 28-də İranda başlayan etirazlar zamanı 21 nəfər həlak olub, yüzlərlə adam həbs edilib.

İranın BMT-dəki daimi nümayəndəsi Qulaməli Xoşru çərşənbə günü Təhlükəsizlik Şurasına və BMT baş katibi Antoniu Quttereşə məktub göndərərək ABŞ-ı onun ölkəsinin daxili işlərinə qarışmaqda ittiham edib və Vaşinqtonun bəyanatını pisləyib.02D-