Narkotiklərdən qanunsuz istifadə ittihamı ilə həbs edilmiş gənc fəal Ömər Məmmədov barəsində ibtidai istintaq yekunlaşıb. Bu barədə Turan-a vəkil Xalid Bağırov bildirib.
Yaxın günlərdə iş baxılması üçün Bakı Ağır Cinayətlər Məhkəməsinə daxil olacaq.
19 yaşlı Məmmədova qarşı 234.4.3-cü (qanunsuz narkotik saxlanması və ticarəti) maddə ilə ittiham irəli sürülüb və o, 12 ilədək azadlıqdan məhrum edilə bilər. Məmmədov ittihamı təkzib edib və onu siyasi motivli hesab edir.
Gənc yanvarın 24-də stomatoloji klinikadan çıxarkən mülki geyimli şəxslər tərəfindən saxlanılıb və DİN-in Narkotiklərə qarşı Mübarizə İdarəsinə aparılıb.
İstintaqın məlumatına görə, onun üzərindən guya 6 qram heroin tapılıb.
Lakin Məmmədov bildirib ki, onun üzərinə narkotiklər qəsdən qoyulub. Geyimində vəkil olmadan axtarış aparılıb. İlk dindirmə zamanı o, hətta dövlət vəkilindən məhrum edilib.
Ömər Məmmədov “Axın” gənclər hərəkatının rəhbəri və “Vətəndaş Həmrəyliyi” partiyasının üzvüdür.
Məmmədov İnternetdə sosial şəbəkələrdə fəal idi, xüsusən, facebook-da “AzTV-dən seçmələr” səhifəsinin administratorlarından biri idi. Bu səhifədə hakimiyyətin nöqsanlarını ələ salan karikaturalar, kollajlar, şərhlər yer alırdı. -06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz