Aİ-nin Genişlənmə və Avropa Qonşuluq Siyasəti məsələləri üzrə komissarı Stefan Füle bildirib ki, Rusiya, Belarus və Qazaxıstanın yaratdığı Gömrük İttifaqı ayrı-ayrı ölkələrin suverenliyini pozur. Bu fikri o, aprelin 2-də Ukrayna baş nazirinin müavini Vladimir Qroysman və Avropa Regionlar Komitəsinin rəhbəri Ramon Luis Valkarsel Sizo ilə birgə mətbuat konfransında bildirib.
“Gömrük İttifaqı suverenliyi pozur və “Qazprom” və Kremlin nəzarəti altında olan subsidiyalara əsaslanan iqtisadi və ticari münasibətlər üzərində qurulur. Siyasi əməkdaşlıq Moskvanın tələblərinə əsaslanır. Krımdakı hadisələr də, qanunsuz referendum və ilhaq da, çox təəssüf ki, bunun daha bir sübutudur”, deyə Füle bildirib.
Komissar həmçinin qeyd edib ki, Avropa İttifaqının Ukraynaya təklif etdiyi assosiasiya sazişi ölkənin suverenliyini gücləndirmək və zəruri iqtisadi və siyasi islahatlara şərait yaratmaq məqsədi daşıyır. -02D-
Siyasət
-
Rusiya Xarici İşlər Nazirliyinin mətbuat katibi Mariya Zaxarova Bakıdakı "Rus evi"nin ünvanına ittihamları "absurd" adlandırıb. Fevralın 6-da brifinqdə o deyib ki, Moskva “feykləri” dərc edən KİV-lərin təkzib verməsini gözləyir.
-
Fevralın 6-da hakim Faiq Qəniyevin sədrliyilə Bakı Apellyasiya Məhkəməsi Azərbaycan Xalq Cəbhəsi Partiyasının sədri Əli Kərimlinin onu Cinayət Məcəlləsinin 147.1-ci maddəsilə (böhtan) təqsirli bilərək 1500 manat cərimə edən Nəsimi Rayon Məhkəməsinin hökmündən şikayətini təmin etməyib.
-
Fevralın 6-da Azərbaycan və Avropa İttifaqı arasında readmissiya haqqında saziş çərçivəsində Almaniyadan 45 nəfər Azərbaycan vətəndaşı readmissiya edilib. Bu barədə fevralın 7-də Azərbaycan Dövlət Miqrasiya Xidməti bildirib.
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
Rəy yaz