Parlament xoş niyyətlə mülkiyyətçilərin hüququnu pozdu

Bu gün Milli Məclisdə «Xüsusi qorunan təbii ərazilər və obyektlər haqqında» qanun düzəliş və dəyişiklikləri təsdiq edib.

Vitse-epiker valeh Ələsgərov bildirdi ki, 2001-ci ilə kimi İES-lərdə elektrik enerjisi istehsal edilən zaman 3 mln ton mazut yandırılıb və atmosferə zərərli maddələr atılıb. Sonra bu rəqəm 2 mln-a azalıb. 2011-ci ildən kiçik regional stansiyalarda bir neçə on min ton mazut yandırılır, elektrik enerjisi modern texnologiyalarla istehsal edilir. Atmosferə sənaye tullantısı 2,5 dəfə azalıb», - deyə o qeyd edib.

Bu preambula ona görə vacibdir ki, deputatlar iki düzəlişə diqqət yetirmədi. Yeni redaksiyanın 10-1.2 maddəsinə əsasən, xüsusi qorunan təbii ərazilər və obyektlərin ətrafında 3 km mühafizə-sanitariya kordonu yaradılır (ümumi ərazi 892 min 546,49 ha və ya ölkə ərazisinin 10,3%-dir). 10-1.8 maddəyə əsasən, mərkəzi icra hakimiyyəti ilə mülkiyyətçi arasında münasibətlər müvafiq servitut hüquqla (daşınmaz əmlak sahibi genişlənmə hüququ, alqı-satqı, girov hüququ olmadan onun istifadəçisi olur) tənzimlənir.

Deyilən 900 min ha ərazidə 9 milli park, 11 dövlət qoruğu, 24 dövət təbiət müvəqqəti qoruğu var. Bir qədər artıq torpağı sərhədçilər, neftçilər, qazçılar, su təsərrüfatı sahibləri, Nəqliyyat Nazirliyi tərəfindən özgəninkiləşdirilib – cəmi 25%. 17% işğal olunub, 30% eroziya və torpaq xəstəliklərinə məruz qalıb.

Azərbaycanda «servitut» anlayışı yayılmayıb. Hazırda servitut hökumətin marağı ilə təyin edilir.

Bu düzəlişi qəbul edən deputatlar əlavə on minlərlə mülkiyyətçinin hüququnu mərkəzi icra hakimiyyətinin xeyrinə tapdaladı. --17D—