“Ehtiyatda və İstefada olan Zabitlər” İctimai Birliyi “atəşkəs dövrü”ndə həlak olan hərbçilərin ailələrinə dövlət qayğısı sistemindəki problemlərlə bağlı baş nazirə və parlament sədrinə müraciət ünvanlayıb.
Müraciətdə bu kateqoriya insanların problemlərinin həlli və sosial-hüquq müdafiəsinin gücləndirilməsi üçün təkliflər irəli sürülür.
Layiqli dəfn və yas mərasimlərinin təşkili, dövlət səviyyəsində başsağlığının verilməsi, ailə üzvlərinin sosial problemlərinin dövlət səviyyəsində həlli, bu kateqoriyadan olan hər bir ölüm faktının ədalətli araşdırılması üçün baş prokurorluğun nəzarətə götürməsi kimi təkliflərin hüquqi-normatov sənədlərdə əksini tapması qeyd edilir.
Bundan əlavə, səbəbindən asılı olmayaraq döyüş bölgəsində xidməti vəzifəsini yerinə zaman həlak olan bütün hərbi qulluqçulara “şəhid” statusunun verilməsi, sığorta pulunun 100 min manat və daha yüksək məbləğə qaldırılması, bu kateqoriyadan olan şəxslərin yaratdığı ictimai birliklərin maneəsiz qeydə alınması təklif edilir. -05D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz