Apellyasiya Məhkəməsi NİDA-çını həbsdən azad etmədi

Bakı Apellyasiya Məhkəməsində  N!DA Vətəndaş Hərəkatının şərlənərək həbs olunmuş üzvü Məmməd Əzizovun barəsində həbs qətimkan tədbirinin daha 2 ay uzadılması qərarından verilən apellyasiya şikayətinə baxılıb.

Vəkil Fariz Namazlının Turan-a verdiyi məlumata görə,  hakim  Nəsimi Rayon Məhkəməsinin çıxardığı qərarından verilən apellyasiya şikayətini qüvvədə saxlayıb.

Məhkəməyə gətirilən Məhəmməd Əzizov həbs qəti imkan tədbirinin uzadılmasını qanunsuz  adlandırıb.

Vəkil həmçinin təqsirləndirilən şəxsin təkrar dindirilməsi haqqında vəsatət versə də ibtidai istintaqa, istintaq tərəfi məktubun çatmadığını bildirib. O, müvəkkilinin MTN-də ilkin ifadələri təzyiq altında verdiyini bildirib.

Girov müqabilində buraxılmasına gəldikdə isə vəkil müdafiə elədiyi şəxslə məsləhətləşmə aparıldıqdan sonra qərar veriləcəyini deyib.

M.Əzizov martın 7-də qanunsuz narkotik saxlamaq ittihamı ilə həbs edilib. O, NİDA hərəkatının partlayıcı maddə və narkotik saxlamaq ittihamı ilə həbs edilmiş yeddi üzvündən biridir. Onlar 10 mart əsgər ölümlərinə qarşı etiraz aksiyası zamanı partlayıcı maddələrdən və narkotikdən istifadə ilə iğtişaşlar hazırlamaqda ittiham olunur. Gənclərin 3-ü aksiyadan əvvəl, digərləri isə sonrakı həftələrdə saxlanılıb. Amnesty İnternational təşkilatı onları vicdan məhbusu hesab edir və dərhal azad edilmələrini tələb edir. -16B