Susmaq hələ razılıq deyil

İlin əvvəlindən Bakıda yüzlərlə vətəndaş rəsmi instansiyalardan icazəsiz fərdi ev tikintisinə başlayıb. 

Ötən il sentyabrın 7-də Şəhərsalma və Tikinti Məcəlləsinin qüvvəyə minməsi ilə əlaqədar bürokratik əngəllər zəifləyib. Sənədə əsasən, torpaq sahəsinin sahibi 5 metrə qədər hündürlükdə və 100 kv m sahəsi olan tikintini həyata keçirə bilər. Maksimal hündürlüyü 12 metr olan (fərdi və ya hüquqi şəxs) 3 mərtəbəli ev tikən zaman yerli icra hakimiyyətinə məlumat verilməlidir. Bu, məsələnin faktiki tərəfidir. Qanuna əsasən, Nazirlər Kabineti «Məcəllənin təsdiqi və hüquqi tənzimlənməsi haqqında» qanuna əsasən, Məcəllənin pozulması və yalan ekspertiza nəticəsində obyektə dəyən ziyana mülki inzibati məsuliyyəti müəyyən etməlidir. Tələb olunur ki, 7 marta qədər «Arxitektura fəaliyyəti haqqında» yeni qanun layihəsi hazırlanmalıdır.  

Milli Məclisdə Turan-a bildiriblər ki,yaz sessiyasında (http://www.meclis.gov.az/?/az/workplan/44) qanun layihəsi müzakirə ediləcək. Fərdi tikililərə nəzarəti Dövlət Şəhərsalma və Arxitektuta Komitəsi və Əmlak Komitəsi həyata keçirəcək. Xeyli vaxt keçsə də, icazə saytı yalnız köhnə formanı əks etdirir http://www.icazeler.gov.az/index.php/license/details/id/520. Yəni məmur köhnə qanunun pozulmasını müəyyən etsə, onu cərimələyə bilər. 

Yeni Şəhərsalma və Tikinti Məcəlləsi 99 maddədən ibarətdir. Orda ərazi planlaması, tikinti fəaliyyəti subyektləri, tikintiyə ümumi tələblər, mühəndis axtarış işləri, təhlükəsizlik tələbləri, tikintiyə icazə verilməsi, icazənin müddəti, texniki şərtlər, layihələrin ekspertizası və s. əksini tapıb. 

Sənədin hazırlanmasına Almaniya Texniki Əməkdaşlıq Cəmiyyəti də cəlb edilib. 

Məmurlar hələ fərdi ev tikənlərin pozuntularını görmür. Amma İnzibati Xətalar Məcəlləsi iri cərimələr nəzərdə tutur. Belə ki, fiziki şəxslər «tikinti normalarını pozmağa görə» 300-600 manat, tikinti üçün məsullar 1,5-3 min manat, hüquqi şəxslər 10 dəfə çox 15-30 min manat cərimə ödəməlidir. --17D—