Bakı/11.10.19/Turan: Səbail rayon Məhkəməsində Azər Tağıyevin sədrliyi ilə 162 saylı orta məktəbin 8-ci sinif şagirdi Elina Hacıyevanın intiharıyla bağlı məhkəmə prosesi davam etdirilib.
Oktyabrın 11-də məhkəmə prosesində məktəblinin ölümünə görə cinayət məsuliyyətinə cəlb olunmuş keçmiş direktor Sevinc Abbasovanın işi üzrə istintaqın tamamlandığı elan edilib. Məhkəmə istintaqı yekunlaşmamışdan öncə zərərçəkmişin hüquqi varisinin vəkilləri ev dustaqlığında olan keçmiş direktorun həbsi barədə vəsatət qaldırıblar. Bildirilib ki, S.Abbasova şahidlərə, konkret olaraq, psixoloq Könül Ağayevaya məhkəmə istintaqı zamanı təzyiq göstərib, telefona mesajlar göndərib, onu yönləndirməyə çalışıb, əllərində bunu təsdiqləyən sübutlar var.
Vəkil Sevinc Əliyeva keçmiş direktorun məktəbin psixoloqunun yerli mediaya müsahibəsi olan diski, məktəbin sabiq müdir müavini Məlahət Hüseynova barəsində məhkəmə qərarlarını sübut kimi hakimə təqdim edib. Sözügedən məhkəmə qərarlarında şahid ifadələri var ki, işdən çıxarılan M.Hüseynova haqqında həqiqətə uyğun olmayan şikayətlərə, aktlara imza atmağa onları S.Abbasova məcbur edib. Diskdəki müsahibədə isə psixoloq bildirir ki, məhkəmədə dindirilməmişdən əvvəl S.Abbasova onunla əlaqə saxlayıb, onun mənafeyinə uyğun ifadə verməsini istəyib.
Təqsirləndirilən S.Abbasova isə heç kimə təzyiq göstərmədiyini deyib: "Mən ona necə təsir göstərmişəm ki, məhkəmədə mənim əleyhimə kifayət qədər ağır ifadə verdi? Əgər təsir vardısa, burada dindiriləndə niyə demirdi?", deyə o qeyd edib.
Vəsatət təmin olunmayıb.
Məhkəmədə həm təqsirləndirilən direktorun vəkili, həm də zərərçəkmiş tərəf Elinanın ölümüylə bağlı rəy vermiş ekspertlərin dindirilməsi, təkrar ekspertiza keçirilməsi barədə də vəsatətlər qaldırıblar. Bildiriblər ki, ekspert rəyi ilə məhkəmədə dindirilən həkimlərin dedikləri arasında kəskin ziddiyyətlər var.
"İş materiallarından görünür ki, Elinanın ölümünə səbəb olan diaqnozu ona hadisədən 26 saat sonra qoyublar. Buna görə heç kim məsuliyyət daşımır", - deyən zərərçəkmişin vəkili Azər Nağıyev həkimlərin də məsuliyyətinə diqqət çəkib.
Amma məhkəmə təkrar ekspertiza və ekspertlərin dindirilməsi barədə vəsatətləri də təmin etməyib.
Məhkəmə prosesi oktyabrın 16-na təyin olunub. Oktyabrın 16-da prokuror çıxış edib, Sevinc Abbadovaya cəza istəyəcək. -0-
Cəmiyyət
-
Sentyabr 16-da Mərkəzi Seçki Komissiyası (MSK) növbədənkənar parlament seçkilərinin protokollarını Konstitusiya Məhkəməsinə təqdim etdi. Seçkinin gedişi ilə bağlı bir çox şikayətlər olsa da, MSK heç bir dairədə nəticələrə təsir etməməklə, ümumilkdə 40-dan çox məntəqədə nəticələri ləğv elədi. Bu qurum seçkilərin yüksək səviyyədə keçirildiyini açıqladı. Amma bir sıra müxalifət qüvvələri də bildirdilər ki, seçkilər əvvəlcədən hazırlanan siyahılar əsasında gerçəkləşib.
-
Sentyabrın 18-də Bakıda və Abşeron yarımadasında hava tutqun olacaq, bəzi yerlərdə yağış yağacaq. Şimal-qərb küləyi əsəcək, xəbəri Milli Hidrometeorologiya Xidməti yayıb.
-
Qalib komanda Azərbaycanı ABŞ-də təmsil edəcək Bu il Azərbaycan ilk dəfə olaraq startaplar üzrə ən nüfuzlu dünya çempionatı hesab edilən “Startup World Cup”ın regional tədbirinə ev sahibliyi edəcək. Tədbir ölkənin lider mobil operatoru Azercell-in sponsorluğu ilə sentyabr ayının 19-u ADA Universitetində baş tutacaq.
-
Abunəçilər artıq Azercell-in Eksklüziv ofisləri ilə yanaşı, diler ofislərində də rəqəmsal şəxsiyyət vəsiqəsilə rahat və operativ xidmətdən yararlana bilərlər Abunəçilərinə ən yaxşı müştəri təcrübəsini təqdim etməyi hədəfləyən “Azercell Telekom” MMC artıq bütün satış və xidmət mərkəzlərində rəqəmsal şəxsiyyət vəsiqəsinin tanınmasını təmin edib. 16 sentyabr 2024-cü il tarixindən etibarən müştərilər Azercell Eksklüziv ofisləri ilə yanaşı, diler mağazalarında da rəqəmsal şəxsiyyət vəsiqəsi ilə istənilən əməliyyatı həyata keçirə bilərlər. Bunun üçün “mygov” tətbiqində şəxsiyyət vəsiqəsinə aid QR kodu və ya 8 simvollu unikal kodu təqdim etmək kifayətdir.
Rəy yaz