Bakı/30.08.19/Turan: Avqustun 29-da saat 18:30-da Azərbaycan Sərhəd Xidmətinin içərisində hərbiçilər olan yük maşını Ermənistan tərəfindən atəşə məruz qalıb. Hadisə Qazax rayonunda Fərəhli kəndi yaxınlığında baş verib.
Azərbaycanın Dövlət Sərhəd Xidmətinin məlumatına görə, Ermənistanın Noembryan rayonunun Şavarşavan kəndi istiqamətindən snayper silahından atəş açılıb.
Sərhəd Xidmətinin dərc etdiyi fotoşəkildən göründüyü qədər, düşmən yük maşınının ön şüşəsinə atəş açıb. Nəticədə maşında olan hərbiçilər xəsarət almayıb. Azərbaycan tərəfi cavab atəşi açıb.
Qeyd edək ki, Azərbaycan və Ermənistan arasında dövlət sərhədinin qeyd edilən hissəsi son həftələr Azərbaycan tərəfin yeni mövqelər ələ keçirdiyi yerdir. Buna cavab olaraq Ermənistan tərəfi qonşu hissədə analoji şəkildə irəlilədiyini bəyan edib. -02D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz