Evləri qəzalı vəziyyətdə olan sakinlər aksiya keçirib
Xətai rayonu, Cavanşir küçəsi 38 ünvanındakı 4 saylı yataqxananın sakinləri sentyabrın 18-də Prezident Aparatı qarşısında aksiya keçirməyə cəhd ediblər.
Polis əllərində "Prezidentdən kömək gözləyirik!", "Biz ölmək istəmirik!" kimi şüarlar tutan sakinlərin aparat binasının önünə keçməsinə imkan verməyib.
Sakinlərin əllərindən şüarları alan polislər onlara Nazirlər Kabinetinə getməyi tövsiyə ediblər. Bundan sonra sakinlər Nazirlər Kabinetinə doğru yollanıblar.
Orada sakinləri NK Tikinti işləri üzrə şöbə müdiri Şahin Salahov qarşılayıb.
Sakinlərin hüquqlarını müdafiə edən komissiyanın sədr müavini Hafiz Xanquliyevin Turan-a verdiyi məlumata görə, sakinlər qəzalı vəziyyətdə olan binanın bərpa-gücləndirmə işlərinin dayandırılmasını və onları yeni evlərlə təmin edilməsini tələb ediblər.
Şahin Salahov öz növbəsində məsələnin yenidən araşdırılacağını bildirib.
Qeyd edək ki, 2000-ci il zəlzələsində qəzalı vəziyyətə düşən binanın sakinləri üçün yeni mənzillərin tikintisi məqsədilə Bakı meri Hacıbala Abutalıbov 40 sot torpaq sahəsinin ayrılması sərəncamını verib. Ancaq ayrılan torpaq sahəsinin 9 sotunda tikilən binaya 80 ailə köçürülüb, 79 ailənin köçürülməsi isə baş tutmayıb. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz