Fərman Ceyranlı
Fərman Ceyranlının məhkəməsində şahidlər dindirilir
Tbilisi Şəhər Məhkəməsində Azərbaycandan getmiş cərrah, "Lancet" klinikasının həmtəsisçisi Fərman Ceyranlının işi üzrə məhkəmə prosesi davam edir. Hazırda şahidlər dindirilir.
Məhkəmə prosesi haqda AzadlıqRadiosuna cərrahın qızı Lalə Hüseynli məlumat verib.
"Məhkəmə prosesi şahidlərin dindirilməsi ilə davam edir. Hələ ki, məhkəmədə qarşı tərəfin şahidlərinin ifadəsi alınır", deyən L.Hüseynli istintaqda F.Ceyranlının əleyhinə yalan saydıqları ifadələrin olduğunu bildirib.
"Məhkəmədən öncə onun əleyhinə ifadə verənlər olub. Ancaq məhkəmə prosesi zamanı hər şey aydınlaşmaqdadır. İndiyədək ifadəsi alınan şahidlərdən heş kim F.Ceyranlının eleyhine ifadə verməyib".
Məhəmə prosesinin gedişindən narazılıqlarının olmadığını bildirən L.Hüseynli ədalətli nəticəyə ümid etdiklərini bildirib.
L.Hüseynli həbsdəki cərrahla hazırkı mərhələdə görüşə icazə verilmədiyini bildirib.
"Görüşlərə icazə yoxdur. Yalnız telefonla əlaqə saxlamağa icazə verilir. Ancaq telefon danışığına da ayda üç dəfə icazə verirlər", L.Hüseynli bildirib.
F.Ceyranlının məhkəmə prosesi sabah, dekabrın 7-si şahid ifadələri ilə davam edəcək.
Əslən Gürcüstandan olan Fərman Ceyranlı 1980-ci illərdən Azərbaycanda yaşayıb, burda təhsil alıb və işləyib.
1993-cü ildən Azərbaycan Səhiyyə Nazirliyində Elm İdarəsinin rəisi, 1994-cü ildə M.Topçubaşov adına Elmi Cərrahlıq Mərkəzinin direktor müavini, 1995-ci ildən isə həmin mərkəzin direktoru vəzifələrində çalışıb. Eyni zamanda, Səhiyyə Nazirliyinin baş cərrahı olub.
O, bir neçə il əvvəl Gürcüstana gedərək "Lanset" klinikasının yaradıcılarından biri olub və bu il mayın 22-də həbs edilib.
F.Ceyranlı Gürcüstan CM-nin 180 və 247-ci maddələri ilə ittiham olunur. Cərrah dələduzluq, insanların həyatı və sağlamlığına təhlükə yaradan informasiyanı gizlətməkdə təqsirləndirilir. Cinayət işi klinikada 2017-ci ildə qaraciyər köçürməsindən sonra vəfat edən bir xəstənin qohumunun şikayəti əsasında qaldırılıb.
Ötən ayın sonunda cərrahın hüquqlarını müdafiə edən vəkillər F.Ceyranlının həbsi ilə bağlı bəyanat yaymışdılar. Həmin bəyanatda deyilirdi ki, Fərman Ceyranlı siyasi sifarişlə həbs olunub. Səbəb isə onun Azərbaycandakı bir sıra müxalifətçilərin Tbilisidəki "Lancet"də müayinə və müalicəsinə şərait yaratması göstərilirdi.
Cəmiyyət
-
Ötən gecə iki avtoxuliqan şəhərin mərkəzində yarışa girərək, zəncirvari qəza törədib.
-
Azercell-in dəstəyi ilə beynəlxalq olimpiadalara hazırlaşan məktəblilər daha 10 medal qazanıblar 16-21 aprel 2024-cü il tarixlərində Bolqarıstanın Şumen şəhərində informatika fənni üzrə yüksək səviyyəli turnir keçirilib. Sözügedən müsabiqədə “Azercell Telekom” MMC-nin Elm və Təhsil Nazirliyinin tərəfdaşlığı çərçivəsində İnformatika üzrə beynəlxalq olimpiadalara hazırlaşan məktəblilərimiz uğurlu nəticələr əldə ediblər. Onlayn fortmatda yarışa qatılan şagirdlər yuxarı yaş qrupu üzrə 5 gümüş, aşağı yaş qrupu üzrə 5 bürünc medal olmaqla ümumilikdə 10 medal qazanıblar.
-
Azərbaycanda saxlamalar, həbslər davam edir. Dünən, aprelin 29-da Seçkilərin Monitorinqi və Demokratiyanın Tədrisi Mərkəzinin sədri Anar Məmmədli saxlanıb. Onun da qaçaqmalçılıqda şübhəli sayıldığı deyilir. Son aylar Azərbaycanda 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittiham ilə razılaşmır, bunu peşə fəaliyyətləri və siyasi sifarişlə izah edirlər.
-
Mayın 1-də Bakıda və Abşeron yarımadasında hava şəraiti əsasən yağmursuz keçəcək. Havanın temperaturu gündüz 21-26 dərəcə isti təşkil edəcək.
Rəy yaz