Bakı/18.10.18/Turan: "Oktyabrın 18-də Azərbaycanın Dövlət Müstəqilliyi günü münasibətilə Fəxri Xiyabanda eks-prezident Əbülfəz Elçibəyin məzarını ziyarətə polis icazə vermək istəmirdi". Bunu Klassik Xalq Cəbhəsi Partiyasının (KXCP) sədri Mirmahmud Mirəli oğlu bildirib.
Onun sözlərinə görə, 30-a yaxın partiya üzvünün ziyarətinə icazə verməməyi polislər hansısa dövlət adamının Fəxri Xiyabana gələcəyi ilə izah ediblər: "Polislər bizə dedilər ki, onlara göstəriş verilib ki, Fəxri Xiyabana heç kəs buraxılmasın, kimsə gələcək. Biz də cavab verdik ki, saat 11-də biz ziyarətə gedəcəyik".
Partiya sədrinin sözlərinə görə, telefon məsləhətləşmələrindən sonra polislər ziyarətə mane olmadılar: "Ziyarət etdik, sonradan ziyarətə yubananlar olub, onları Fəxri Xiyabana buraxmayıblar. Partiya üzvümüz Aytəkin İmranlı isə polisə müqavimət adı ilə saxlaınlaraq 9 saylı polis bölməsinə aparılıb".
Partiya sədrinin müavini Xəzər Teyyub polis bölməsinin qarşısında olduqlarını deyərək, A.İmranovadan izahat alındığını deyib.
A.İmranovanın telefonu bağlı olduğu, polis bölməsindən isə zənglərə cavab verilmədiyi üçün münasibət öyrənmək mümkün olmayıb. -0-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz