Bakı/18.10.18/Turan: Cümə axşamı dövlət başçısı İlham Əliyev İtaliya Senatının sədri Mariya Alberti Kaselatini qəbul edib.
İtaliya Azərbaycanın mühüm ticarət tərəfdaşıdır. Ölkədə bir çox İtaliya şirkətləri işləyir. İlk növbədə, bu, energetika sahəsi ilə bağlıdır, deyə Əliyev qeyd edib.
O, həmçinin iki ölkə arasında parlamentlərarası əlaqələrin möhkəmləndiyini, bunun ikitərəfli əməkdaşlığın yaxşılaşdırılmasında mühüm rol oynadığını qeyd edib.
Mariya Alberti Kaselati cavab sözündə bildirib ki, onun başçılıq etdiyi nümayəndə heyətinin səfəri ikitərəfli münasibətləri möhkəmləndirmək məqsədi daşıyır.
Görüşdə tərəflər energetika, neft-kimya, mədəniyyət, kənd təsərrüfatı sahəsində və s. sahələrdə əməkdaşlıq məsələlərini müzakirə ediblər. -02D-
Siyasət
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
-
Azərbaycan "Sputnik-Azərbaycan" və BBC News Azərbaycanca redaksiyalarının işini məhdudlaşdıracaq. Bu barədə fevralın 13-də hökumətyönlü KİV məlumatlı mənbəyə istinadən bildirib.
Rəy yaz