Bakı/18.10.18/Turan: Avropa İttifaqı (Aİ) və Beynəlxalq Miqrasiya Təşkilatının (BMqT) Azərbaycandakı nümayəndəlikləri "Avropa İttifaqının İnsan Alverinə Qarşı Mübarizə" gününə həsr olunmuş tədbir keçiriblər.
Bu ilki tədbirin məqsədi insan alveri və onun fəsadları barəsində ictimaiyyəti məlumatlandırmaq, insan alverinin aradan qaldırılmasına yönəlmiş Aİ strategiyası, eləcə də bu sahədə beynəlxalq hüquqi əməkdaşlıq, norma və konsepsiyalara dair məlumatlılığın artırılmasıdır.
Tədbirdə Aİ-nin Azərbaycandakı nümayəndəliyinin rəhbəri Kestutis Jankauskas, Daxili İşlər Nazirliyinin İnsan Alverinə qarşı Mübarizə Baş İdarəsinin rəisi Heydər Heydərov və BMqT-nin Azərbaycandakı nümayəndəliyinin rəhbəri Serhan Aktoprak çıxış edib.
Panel müzakirələri insan alveri qurbanlarının kompensasiya hüquqlarının təmin edilməsində yaranan çətinliklər; Avropa İnsan Hüquqları Məhkəməsinin həssas vəziyyətdə olan şəxslərin və miqrantların fundamental hüquqlarının qorunmasına dair qabaqcıl təcrübəsi və müvafiq presedent hüququ; insan alverinə qarşı mübarizə sahəsində Azərbaycanın beynəlxalq əməkdaşlığı kimi mövzularını əhatə edib. İştirakçılar həmçinin, insan alverinə qarşı mübarizə mövzusuna həsr olunmuş qısa sənədli filmə baxıblar.
Tədbir, Avropa İttifaqı və Beynəlxalq Miqrasiya Təşkilatının İnkişaf Fondunun müştərək maliyyə dəstəyi ilə BMqT-nin həyata keçirdiyi "Azərbaycanda insan alverinə qarşı mübarizə üzrə milli potensialların artırılması" layihəsi çərçivəsində təşkil edilib. -0-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz