FHN və Ekologiya Nazirliyi meşə yanğınlarının ərazisi barədə ziddiyyətli məlumatlar verirlər

 İki gün öncə Lerik və Lənkəran rayonlarında baş vermiş meşə yanğınları söndürülüb. FHN məlumat verir.

Nazirliyin məlumatına görə, yanğın Lerik rayon mərkəzinin 35 km.-də Piran kəndi ətrafında 30 ha-ya yaxın meşə zolağını əhatə edib. Yanğının söndürülməsinə FHN-in şəxsi heyəti, avia dəstəsi və yanğından mühafizə xidməti cəlb edilib. Yanğının söndürülməsində meşə təsərrüfatının əməkdaşları və yerli sakinlər dəiştirak ediblər.

Hazırda yanğın lokallaşdırılıb.

Həmçinin Lənkəran rayon mərkəzindən 8 km.-də Girkan Milli Parkında və dağ yerlərində yanğın lokallaşdırılıb. Burada alov 5 ha sahəni əhatə edb.

Ekologiya Nazirliyi isə bildirib ki, alov az ərazini əhatə edib.

Nə FHN, nə də Ekologiya Nazirliyi meşə yanğınlarının səbəblərini açıqlamır.

Yerli sakinlərin sözlərinə görə, Lerikdə ağac kömürünün hazırlanması zamanı odla ehtiyatsız davranma səbəbindən baş verə bilər.

Qeyd edək ki, bir neçə il öncə güclü yanğın nəticəsində Şirvan Milli Parkında 15 ha kol yanmışdı.—06D-