Fırtına, dolu və leysan Azərbaycanın qərb regionlarına ziyan vurub
Ötən gün güclü külək, leysan və dolu Azərbaycanın qərb bölgəsinə ciddi ziyan vurub. Ən çox Qazax, Tovuz və Şəmkir rayonlarına və Gəncə şəhərinə ziyan dəyib.
Güclü külək çoxillik ağacları aşırıb və evlərin damlarını uçurub. Bəzi yerlərdə böyük ağaclar avtomobillərin və yaşayış evlərinin üzərinə düşüb, xəsarət alanlar var.
Güclü külək və leysan Qarabağ bölgəsini, xüsusən Şuşa şəhərini də əhatə edib.
Böyük Qafqaz regionunda Qəbələ rayonuna toyuq yumurtası boyda dolu düşüb.
Leysan yağışı və güclü külək aran rayonlarından, o cümlədən Kürdəmir və Ucardan da yan keçməyib.
Sosial şəbəkələrdəki videomateriallar təbii fəlakətin miqyasını göstərir.
Cəmiyyət
-
Sentyabrın 29-da Bakıda və Abşeron yarımadasında havanın dəyişkən buludlu, əsasən yağıntısız olacağı gözlənilir. Şimal-şərq küləyi əsəcək.
-
Abşeron rayonunun Saray qəsəbəsi ərazisində silah və hərbi sursatlar aşkar edilib. Bu barədə Fövqəladə Hallar Nazirliyi bildirib. Nazirliyin Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib.
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
Rəy yaz