Bakı/17.03.20/Turan: Dünyanın 80 ölkəsində fəaliyyət göstərən Lafarge Holcim şirkətinin bir hissəsi olan "Holcim Azərbaycan" ASC hansısa kriminal qüvvələrin şirkət əməkdaşlarına təzyiq göstərdiyini bildirib.
"Şirkətimizin şəffaf fəaliyyəti bəzi kriminal qüvvələrin maraqları ilə toqquşur, onları narahat edir və bunun qarşılığında onlar qeyri-qanuni hərəkətlərə təşəbbüs edirlər. Bunun nəticəsi olaraq son vaxtlar Holcim Azərbaycan ASC-nin rəhbər şəxslərinə psixoloji təzyiq göstərmək məqsədilə hədələyici mesajlar göndərilmiş, şirkətimizin rəhbər vəzifələrindən birində işləyən xarici vətəndaşa qarşı təhdidlər edilmiş və ona fiziki xəsarət yetirməyə cəhd edilmişdir.
Hadisə ilə bağlı tərəfimizdən dərhal hüquq-mühafizə orqanlarına müraciət olunmuşdur və müvafiq araşdırmalara başlanılmışdır. Xarici investisiyanın maraqlarını nəzərə alaraq hadisə ilə bağlı aidiyyəti diplomatik nümayəndəliklərə də məlumat verilmişdir", deyə şirkətin saytında dərc edilmiş məlumatda bildirilir.
Şirkət rəhbərliyi yaxın zamanlarda çirkin əməlləri törədən təqsirkar şəxlərin hüquq-mühafizə orqanları tərəfindən aşkar edilərək öz layiqli cəzalarını alacaqlarına əminliyini bildirir.
Holcim Azərbaycan ASC Norm və Akkord şirkətləri ilə birlikdə Azərbaycanda üç ən böyük sement istehsalçısından biridir.
Qeyd edək ki, Azərbaycanda ilk dəfə olaraq böyük xarici şirkət menecerlərinin fiziki təhdidə məruz qaldığını bəyan edir.
Lafarge Holcim 2015-ci ildə Fransanın Lafarge və İsveçrənin Holcim şirkətlərinin birləşməsi nəticəsində təsis edilib.
Azərbaycanda Holcim 1990-cı illərin sonlarında Qaradağ Sement Zavodunu aldığı zamandan etibarən fəaliyyət göstərir. -06В-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz