![Avropa İttifaqı və Şengen zonası bir ay müddətinə sərhədləri bağlayır](https://turan.az/resized/media/2020/main/031700024837-750-500-resize.webp)
Avropa İttifaqı və Şengen zonası bir ay müddətinə sərhədləri bağlayır
Bakı/17.03.20/Turan: Avropa İttifaqı və Şengen zonası koronavirusla əlaqədar sərhədləri martın 17-dən etibarən 30 gün müddətinə bağlayır, bu barədə televiziya müraciətində Fransa prezidenti Emmanuel Makron bildirib. Qeyri-Avropa ölkələri və Avropa İttifaqı arasında səfərlər də eyni müddət üçün dayandırılır. Makron Avropa liderlərinin bu qərarı martın 16-da qəbul etdiklərini qeyd edib.
Fransa həmçinin insanların yer dəyişdirməsinə məhdudiyyət tətbiq edib. Belə ki, martın 17-dən etibarən insanların istənilən yer dəyişdirmələri, yığıncaqlar, ailə və dost görüşləri məhdudlaşdırılıb. Prezident israrla fransızları küçə gəzintilərini ləğv etməyə, yalnız ən zəruri yer dəyişdirmələrini həyata keçirməyə və sanitar normalara riayət etməyə çağırıb.
DİN başçısı Kristof Kastaner bildiribk i, küçələrdə rejimə riayət olunmasına 100 mindən çox polis əməkdaşı riayət edəcək. Martın 17-dən etibarən yalnız iş yerinə, alış-veriş üçün yer dəyişdirməyə icazə verilir. Polisin tələbinə əsasən vətəndaşın işə getdiyini və məsafədən işləmək imkanının olmadığını əsaslandıran sənəd təqdim edilməlidir. Qadağa pozulduğu halda 38 avro, təkrar pozuntuya görə isə 135 avro cərimə kəsilir. -02D-
-
- İqtisadiyyat
- 17 Mart 2020 16:08
-
- Cəmiyyət
- 17 Mart 2020 17:15
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz