Bu gün Bakı vaxtı ilə saat 22:45-də Azərbaycanın futbol yığması 2018-ci il Dünya Çempionatı seçmə turniri çərçivəsində üçüncü matçı keçirəcək.
Milli yığma Çexiya komandası ilə qarşılaşacaq.
İki turdan sonra Azərbaycan yığması iki qələbə ilə (San-Marino və Norveç) öz aktivinə 6 xal yazdırıb və ilk iki yeri Almaniya yığması ilə bölüşür.
Çexiya komandasının hələlik bir xalı var. Öz meydançasında Şimali İrlandiya ilə 0:0 hesabı ilə oynayıb. Almaniya yığmasına isə 0:3 hesabı ilə məğlub olub.
Qeyd edək ki, iki turdan sonra Azərbaycan İsveçrə, Almaniya, İngiltərə, Belçika, Yunanıstan və Albaniya ilə birlikdə yüz faiz nəticəyə malik komandalar qrupuna daxil olub (sadalanan komandaların bəzisi üçüncü turun matçlarını artıq keçiriblər –red.).
Bu, Azərbaycanın futbol tarixində birinci dəfədir ki, komanda bir-birinin ardınca iki qələbə qazanır. Belə ki, iki qələbə (bir-birinin ardınca deyil) 2012-ci il Avropa seçmə turniri çərçivəsində qazanılmışdı.
Azərbaycan yığması ən çox xalı 2014-cü il Dünya Çempionatının seçmə silsiləsində qazanıb – 9 xal (bir qələbə, altı heç-heçə).
Azarkeşlər Azərbaycan yığmasından uğurların davamını gözləyir.–71В-
Cəmiyyət
-
Abunəçilər artıq Azercell-in Eksklüziv ofisləri ilə yanaşı, diler ofislərində də rəqəmsal şəxsiyyət vəsiqəsilə rahat və operativ xidmətdən yararlana bilərlər Abunəçilərinə ən yaxşı müştəri təcrübəsini təqdim etməyi hədəfləyən “Azercell Telekom” MMC artıq bütün satış və xidmət mərkəzlərində rəqəmsal şəxsiyyət vəsiqəsinin tanınmasını təmin edib. 16 sentyabr 2024-cü il tarixindən etibarən müştərilər Azercell Eksklüziv ofisləri ilə yanaşı, diler mağazalarında da rəqəmsal şəxsiyyət vəsiqəsi ilə istənilən əməliyyatı həyata keçirə bilərlər. Bunun üçün “mygov” tətbiqində şəxsiyyət vəsiqəsinə aid QR kodu və ya 8 simvollu unikal kodu təqdim etmək kifayətdir.
-
Azercell-in dəstəyi ilə şagirdlərimiz İT sahəsində uğurlu nəticələr göstərməyə davam edirlər Cari ilin sentyabr ayında məktəblilərimiz informatika fənni üzrə iki beynəlxalq olimpiadada ölkəmizi uğurla təmsil ediblər. Belə ki, 1-8 sentyabr 2024-cü il tarixlərində Misirin İsgəndəriyyə şəhərində məktəblilərin 36-cı Beynəlxalq İnformatika Olimpiadası (IOI), sentyabr ayının 8-12 aralığında isə Səudiyyə Ərəbistanın Ər-Riyad şəhərində dünyanın Birinci Beynəlxalq Süni İntellekt Olimpiadası (IAIO) baş tutub.
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
Rəy yaz